பொலிஸ் தலைமையகம் பெண் பொலிஸாருக்கு புதிய சீருடை

பொலிஸ் சேவையில் ஈடபட்டுள்ள பெண்களுக்கென மற்றுமொரு சீருடையை அறிமுகப்படுத்த பொலிஸ் தலைமையகம் தீர்மானித்துள்ளது. 

தற்போதுள்ள சீருடைக்கு மேலதிகமாகவே இந்த புதிய சீருடை அறிமுகப்படுத்தப்படவுள்ளது. 

பொலிஸ் மா அதிபரின் ஆலோசனைக்கமைய பாதுகாப்பு அமைச்சின் செயலாளரினால் இதற்கான அனுமதி வழங்கப்பட்டுள்ளது என பொலிஸ் தலைமையகம் தெரிவித்தது. 

இந்த புதிய சீருடையும் காக்கி நிறத்திலேயே நிர்மாணிக்கப்படவுள்ளது. பெண் பொலிஸ் கான்ஸ்டபிள்கள் மற்றும் பெண் பொலிஸ் சிப்பாய்களுக்கு முழுக் காற்சட்டையும் சேர்ட்டும் வழங்கப்படவுள்ளன. 

அத்துடன், பெண் பொலிஸ் பரிசோதகர்கள் மற்றும் பெண் உதவிப் பொலிஸ் அத்தியட்சகர்களுக்கு முழுக் காற்சட்டை, சேர்ட் மற்றும் பூட்ஸ் கோட்டும் வழங்கப்படவுள்ளது. 

இலங்கை பொலிஸ் சேவையில் ஈடுபடும் பெண்கள் இதுவரை காலமும் காக்கி நிறத்திலான குட்டைப் பாவாடையும் சேர்ட்டுமே சீருடையாக அணிந்து வருகின்றனர். 

அலுவலக வேலைகள் மற்றும் ஏனைய விடயங்களைக் கருத்திற் கொண்டே அவர்களுக்காக இந்த புதிய சீருடை அறிமுகப்படுத்தப்படவுள்ளதாக பொலிஸ் தலைமையகம் தெரிவித்தது. 

இதேவேளை, பொலிஸ் சேவையில் ஈடுபட்டுள்ள கர்ப்பிணிகளுக்கென்றும் புதிய ஆடையொன்றை அறிமுகப்படுத்த பாதுகாப்பு செயலாளர் அனுமதி வழங்கியுள்ளார் என பொலிஸ் தலைமையகம் மேலும் தெரிவித்தது. 

மலேஷியாவில் செயற்பட்டு வந்த மூன்று எல்.ரீ.ரீ உறுப்பினர்களும் கொழும்புக்கு அகொண்டு வரப்பட்டார்கள்

புலிகளை மீண்டும் உயிர்பெறச் செய்யும் வகையில் மலேஷியாவில் செயற்பட்டு வந்த மூன்று முக்கியஸ்தர்களை இலங்கை அதிகாரிகள் நேற்று முன்தினம் இரவு இலங்கைக்கு அழைத்து வந்துள்ளனர்.
எல்.ரீ.ரீ. ஈயை மீண்டும உயிரூட்டுவதற்காக நாடுகடந்த நிலையில் நேரடியாகவும் மறைமுக மாகவும் செயற்பட்டு வந்த புலிச் சந்தேக நபர்களுக்கு இண்டர்போல் ஊடாக ‘ரெட் அலர்ட்’ அறிவித்தல் விடுக்கப்பட்டிருந்தது.இதன்படி மேற்படி மூன்று பேரும் மலேஷிய பொலிஸாரினால் அண்மையில் கைது செய்யப்பட்டனர். புலிகள் இயக்கத்தில் முல்லைச் செல்வம் என்றழைக்கப்படும் சந்திர லிங்க ராஜா குஷாந்தன் (வயது 45) மீசாலை வடக்கைச் சேர்ந்த இவர் 94 ஆம் ஆண்டு புலிகளின் அரசியல்துறையில் இணைந்து அதன் பின்னர் புலிகளின் விமானப் படைப் பிரிவில் இணைந்துள்ளார். புலிகளின் சங்கர் மாஸ்டர் என்பவரின் சகோதரரின் மகளை பிரபாகரனின் விசேட அனுமதியுடன் திருமணம் செய்துகொண்ட இவர் 2004 ஆம் ஆண்டு மலேஷியாவுக்கு சென்றுள்ளார். மலேஷியாவில் இலக்ரோனிக் என்ஜினீயரிங் கற்று தொழில் புரிந்தவாறு புலிகள் இயக்கத்தை மீண்டும் கட்டியெழுப்புவதற்கான முயற்சிகளில் ஈடுபட்டுள்ளார்.இரண்டாவது நபரான மகாதேவன் கிருபாகரன் (வயது 42) நல்லூர் கோவில் வீதியை சேர்ந்தவர் புலிகளின் இசைக் குழுவில் இணைந்து பாடல்கள் மூலம் புலிகளின் பிரசாரங்களை மேற்கொண்டு வந்தவர்.புலிகளின் இசைக் குழுவுடன் 2002 ஆம் ஆண்டு நோர்வே சென்று பிரசாரம் மேற்கொண்டிருந்தார். 2006 ஆம் ஆண்டு இலங்கையிலிருந்து மலேஷியாவுக்கு தப்பிச் சென்றுள்ளதுடன் அங்கிருந்து பிரசாரங்களை மேற்கொண்டிருந்தார். இவரது எல்.ரீ.ரீ. ஈ பெயர் என்ன வென்பது பற்றி விசாரணைகள் நடைபெறுகின்றன.மேற்படி இருவருக்கும் இன்டர்போல் ஊடாக ‘ரெட் அலர்ட்’ விடுக்கப்பட்டிருந்ததுடன் பிடியாணையும் பிறப்பிக்கப்பட்டிருந்தன.
மூன்றாவது நபர் புலிகளின் புலனாய்வுப் பிரிவில் பொட்டு அம்மானின் உதவியாளராக செயல்பட்டு வந்தனர். நல்லூரைச் சேர்ந்த செல்லத்துரை கிருபானந்தன் (வயது 38) 1989-99 காலப் பகுதியில் கொழும்பில் கடையொன்றில் (சிறுவனாக) தொழில் புரிந்தவாறு புலிகளுக்கு புலனாய்வு தகவல்களை தெரிவித்து வந்துள்ளார். 2006 ஆம் ஆண்டு மலேஷியாவுக்கு தப்பிச் சென்ற இவர் 2013 ஆம் ஆண்டு மலேஷியாவில் மாவீரர் தினத்தை கொண்டாடுவதற்கும் ஏற்பாடு செய்திருந்தார். இவருக்கு பிடியாணை பிறப்பிக்கப்பட்டிருந்ததுடன் இன்டர்போல் ஊடாக ரெட் அலர்ட் விடுக்கவும் ஏற்பாடு செய்யப்பட்டிருந்தது.
ஐரோப்பாவிடம் ஏனைய நாடுகளிலும் உள்ள தொடர்புகள் மூலம் எல். ரீ. ரீ. ஈ யை மீள உருவாக்குவதற்கான முயற்சிகளில் இந்த மூவரும் ஈடுபட்டனர் என்ற சந்தேகத்தின் பேரில் மலேஷியாவில் கடந்த 15 ஆம் திகதி இவர்கள் கைது செய்யப்பட்டனர்.இவர்கள் மூவரையும் இலங்கையிலுள்ள பயங்கரவாத தடுப்புப் பிரிவின் () ஆறு அதிகாரிகள் மலேஷியா சென்று அழைத்து வந்தனர். நேற்று முன்தினம் மாலை 4.30 மணிக்கு இவர்கள் கட்டுநாயக்க விமான நிலையத்தை வந்தடைந்தனர். இரவு 10.00 மணியளவில் அங்கிருந்து விசேட பாதுகாப்புடன் பயங்கரவாத தடுப்பு பிரிவின் தலைமையகத்துக்கு அழைத்துச் செல்லப்பட்டனர்.தடை செய்யப்பட்டுள்ள எல். ரீ.ரீ. ஈ க்கு நிதி சேகரிப்பது அதற்கான பிரசார நடவடிக்கைகளில் ஈடுபடுவது ஆகிய நடவடிக்கைகளில் இவர்கள் ஈடுபட்டார்கள் என்ற குற்றச்சாட்டின் பேரில் இன்டர் போல் ஊடாக ‘ரெட் அலர்ட்’ அறிவிக்கப்பட்டிருந்ததாலுமே இவர்கள் மலேஷியாவில் கைதானார்கள்.நேரடியாகவோ மறைமுகமாகவோ எல்.ரீ.ரீ.ஈ க்கு உதவி வழங்குவதன் மூலம் புலிகளை உயிர்பெறச் செய்வதற்கோ நாட்டில் மீண்டும் ஒரு யுத்தத்தை உருவாக்கவோ இலங்கை மக்கள் ஒருபோதும் விரும்பவில்லை. குறிப்பாக புலிகளால் சொல்லொணாத் துன்பங்களை அனுபவித்து வந்த தமிழ் மக்கள் விரும்பவில்லை.எனவே தமிழ் மக்கள் புலிகள் மீண்டும் உயிர் பெறுவதற்கு அனுமதிக்க கூடாது.மீண்டும் ஒரு யுத்தம் இடம்பெற இடமளிக்க வேண்டாம். புலிகளை மீண்டும் தலைதூக்க வேண்டாம். புலிகளின் பசப்பு வார்த்தைகளுக்கு ஏமாறவேண்டாம் என தமிழ் மக்களை நான் கேட்டுக்கோள்கிறேன் என்றும் பொலிஸ் ஊடக பேச்சாளர் சிரேஷ்ட பொலிஸ் அத்தியட்சகர் அஜித் ரோஹண கேட்டுக்கொள்வதாகவும் தெரிவித்தார்.மேலும் மேற்படி மூவரையும் கைது செய்து இலங்கையிடம் ஒப்படைத்தமைக்கு மலேஷிய பொலிஸாருக்கு நன்றிகளை தெரிவிப்பதாகவும் அவர் தெரிவித்தார்.

சர்ச்சையில் சிக்கியுள்ள மத்திய மனிதவள மேம்பாட்டுத்துறை அமைச்சர் ஸ்மிர்தி இரானி,

தனது கல்வித் தகுதி தொடர்பான சர்ச்சையில் சிக்கியுள்ள மத்திய மனிதவள மேம்பாட்டுத்துறை அமைச்சர் ஸ்மிர்தி இரானி, தம் மீதான குற்றச்சாட்டு குறித்த தனது மௌனத்தை் கலைத்து, தன் பணியைப் பார்த்துத் தனது திறமையை மதிப்பிடுமாறு தெரிவித்துள்ளார்.

மத்திய மனிதவள மேம்பாட்டுத்துறை அமைச்சர் ஸ்மிர்தி இரானி ஒரு பட்டதாரிகூட இல்லை என்று கூறிய காங்கிரஸ் தரப்பினர் அவருக்குத் தரப்பட்ட அமைச்சுப் பதவிக்கு வேண்டிய திறனை கேள்விக்கு உட்படுத்தினர்.38 வயதான ஸ்மிர்தி இரானி, ஒரு தொலைக்காட்சி நடிகையாக இருந்து பின் அரசியலிக்குள் நுழைந்தார்.

‘எனக்கு வழங்கப்பட்டுள்ள பணியிலிருந்து என் கவனத்தை திசை திருப்பும் வகையில் சூழ்நிலைகள் உருவாக்கப்பட்டுள்ளதாக’, அவர் தெரிவித்துள்ளார். அத்துடன் தன் திறமையின் அடிப்படையில் இந்த பணிகளை மேற்கொள்ள கட்சி தனக்கு இந்த பொறுப்பை அளித்துள்ளதாகவும், வேறு எந்த கருத்தையும் தெரிவிக்க தான விரும்பவில்லை எனவும் அவர் தெரிவித்துள்ளார்.

கடந்த 2004ஆம் ஆண்டு மக்களவைத் தேர்தலிலும், 2014ஆம் ஆண்டு மக்களவை தேர்தலிலும் ஸ்மிர்தி இரானி தனது கல்வி தகுதி குறித்து முரண்பாடான தகவல்கள் அளித்தமைக்காக அவர் சர்ச்சையில் சிக்கியுள்ளார்.

வெறும் 12ஆம் வகுப்பு படித்த ஒருவர் எவ்வாறு மத்திய மனிதவள மேம்பாட்டுத்துறை அமைச்சராக பொறுப்பளிக்கப்பட்டார் என்று மது கிஷ்வார் என்ற பெண்கள் உரிமைகள் ஆர்வலர் எழுப்பிய கேள்வி இந்த சர்ச்சையை உருவாக்கியது.

அதனை அடுத்து சில காங்கிரஸ் தலைவர்களும் ஸ்மிர்தி இரானியின் கல்வி தகுதி குறித்து விமர்சித்தனர்.

காங்கிரஸ் விமர்சன்ங்களுக்கு பதிலளித்த பாஜக தலைவரும் மத்திய நீர்வளத்துறை அமைச்சருமான உமா பாரதி, காங்கிரஸ் கட்சி தலைவர் சோனியா கந்தியின் கல்வி தகுதி குறித்து கேள்வி எழுப்பியுள்ளார்.

இந்திய விமானப்படைக்கு சொந்தமான 'எம்.ஐ.ஜி. 21' ரக போர் விமானம் விழுந்து நொறுங்கியதில் விமானி பலி

காஷ்மீரில் அனந்தநாக் மாவட்டத்தில் பிஜ்பேஹாரா பகுதியில் இந்திய விமானப் படைக்குச் சொந்தமான மிக்-21 விமானம் விழுந்து நொறுங்கி விபத்துக்கு உள்ளானது.

இந்த விபத்தில், விமானத்தின் விமானி ரகு பன்ஸி உயிரிழந்ததாகத் தெரிவிக்கப்பட்டுள்ளது.

விபத்துக்கான காரணம் கண்டறியப்படவில்லை. விபத்துக் குறித்து தகவல் தெரிந்ததும், இந்திய விமானப் படை வீரர்கள் சம்பவ இடத்துக்கு விரைந்து சென்று மீட்புப் பணிகளில் ஈடுபட்டுள்ளனர்.எதிர்பாராத விதமாக அந்த விமானம் வயலில் விழுந்து நொறுங்கியதில் விமானி ஒருவர் சம்பவ இடத்திலேயே பலியானார். இந்த விபத்துக்கான காரணம் குறித்து உடனடி தகவல் ஏதும் வெளியாகவில்லை.

டில்லியில் நடைபெற்ற ராஜபக்ஷே ஆதரவாளர் என கூறப்படும் சுஷ்மாவுக்கு வெளியுறவுத்துறை அறிவிப்பு!

இரு வெளியுறவு அமைச்சர்கள், ஒரு ஜனாதிபதி (சுஷ்மாவுக்கு பின்னால் நிற்பவர் இலங்கை வெளியுறவு அமைச்சர் பீரீஸ்): “நீங்க அடிக்கடி நம்மூருக்கும் வந்து போகணுமுங்க”

நேற்று, டில்லியில் நடைபெற்ற பிரதமர் பதவியேற்பு விழாவில் கலந்துகொள்ள வந்த இலங்கை ஜனாதிபதி மகிந்த ராஜபக்ஷே,  உடனடியாக நாடு திரும்பாமல், இன்று பிரதமர் மோடியை சந்திப்பதற்காக டில்லியில் தங்கியுள்ளார்.

இன்று காலை 10.30-க்கு ராஜபக்ஷே, பிரதமர் மோடியை சந்திப்பதற்காக நேரம் ஒதுக்கப்பட்டிருந்தது.

இதற்காக டில்லியில் ராஜபக்ஷே தங்கியிருந்த நேரத்தில், நேற்று பதவிப்பிரமாணம் செய்த அமைச்சர்களில், யார் யாருக்கு என்ன துறை ஒதுக்கப்பட்டது என்ற விபரத்தை பிரதமரின் அலுவலகம் வெளியிட்டுள்ளது.

அந்தப் பட்டியலில், பிரதமர் மோடி மற்றும் ராஜ்நாத் சிங் (உட்துறை அமைச்சகம்), ஆகியோருக்கு அடுத்தபடியாக  ‘சுஷ்மா ஸ்வராஜ் – வெளியுறவுத் துறை, மற்றும் வெளிநாடு வாழ் இந்தியர்கள் விவகாரத் துறை’ என குறிப்பிடப்பட்டுள்ளது.

சுஷ்மாவுக்கு வெளியுறவு அமைச்சு ஒதுக்கப்படலாம் என முன்பே ஊகிக்கப்பட்டதுதான்.

ஆனால், சுஷ்மா இலங்கை ஜனாதிபதி ராஜபக்ஷேவின் ஆதரவாளர் என்பதால், அவருக்கு வெளியுறவுத்துறை கொடுக்க கூடாது என ஒரு லாபி, டில்லியில் ஸ்ட்ராங்காக நடந்து கொண்டிருந்தது.

அதையடுத்து, அவருக்கு வேறு துறை ஒதுக்கப்படலாம் என்ற ஊகங்களும், மீடியாக்களில் அடிபட்டுக்கொண்டு இருந்தன.

அதே நேரத்தில் இலங்கையில் உள்ள ஆங்கில, மற்றும் சிங்கள மீடியாக்களில், “சுஷ்மாவுக்கு வெளியுறவுத்துறை வழங்கப்பட்டால், இரு நாடுகளுக்கும் இடையிலான உறவு மேம்பாடு அடையும்” என ஆய்வுகள் வெளியாகிக்கொண்டு இருந்தன.

இந்த நிலையில், ‘காகம் உட்கார பனம்பழம் விழுந்ததா’ என்று தெரியவில்லை.., இன்று வெளியான பட்டியலில், சுஷ்மாவுக்கு வெளியுறவு துறை ஒதுக்கப்பட்டுள்ளது என்ற அறிவிப்பு வெளியான அதே நேரத்தில், ராஜபக்ஷேவும்  டில்லியில் உள்ளார்!

அடுத்து என்ன?

நேற்று கருப்புக்கொடி காட்ட டில்லி சென்ற வைகோ, இன்னமும் அங்குதானே உள்ளார்?  பேசாமல், அடுத்த போராட்டத்தை அறிவித்து விடலாம்! இதோ.. அந்த அறிவிப்பு:சுஷ்மா ஸ்வராஜை வெளியுறவுத்துறையில் இருந்து மாற்றும்வரை, வைகோ டில்லியில் உண்ணாவிரதம்”இந்திய ஜனாதிபதி – மஹிந்த பேச்சு

இந்திய ஜனாதிபதி பிரணாப் முகர்ஜியை சந்தித்து ஜனாதிபதி மஹிந்த ராஜபக்ஷ பேச்சுவார்தை நடத்தியுள்ளார்.

இந்தியா அமைச்சரவையில் பெண் முகங்கள் புதிய அமைச்சர்களின் பொறுப்புகள் : அதிகாரபூர்வ அறிவிப்பு வெளியானது

இந்தியாவில் நரேந்திர மோடி தலைமையிலான அமைச்சரவையில் உள்ளவர்களுக்கு என்னென்ன பொறுப்புகள் என்பது அதிகாரபூர்வமாக அறிவிக்கப்பட்டுள்ளன.

 இதற்கான அறிவிப்பை குடியரசுத் தலைவர் மாளிகை வெளியிட்டுள்ளது.

புதிய அமைச்சரவையில் ராஜ்நாத் சிங்குக்கு உள்துறை ஒதுக்கப்பட்டுள்ளது.வெளியுறவு அமைச்சராக சுஷ்மா ஸ்வராஜ் நியமிக்கப்பட்டுள்ளார். இந்தியாவில் முதல் முறையாக பெண்மணி ஒருவர் அத்துறைக்கு நியமிக்கப்பட்டுள்ளார்.

நிதித்துறை அமைச்சரான அருண் ஜேட்லி கூடுதலாக பாதுகாப்புத் துறையையும் கவனிப்பார்.

சாலை மற்றும் கப்பல் போக்குவரத்துத்துறை அமைச்சு நிதின் கட்கரியிடம் அளிக்கப்பட்டுள்ளது.

நகர்புற அபிவிருத்தி, வீடமைப்பு மற்றும் ஊரக வறுமை ஒழிப்பு ஆகியத்துறைகளுக்கு வெங்கைய்யா நாயிடு அமைச்சராக நியமிக்கப்பட்டுள்ளார்.

ஜம்மு காஷ்மீர் மாநிலம் உதம்பூர் தொகுதியிலிருந்து முதல் முறையாக நாடாளுமன்றத்துக்கு தேர்தெடுக்கப்பட்டுள்ள ஜிதேந்திர சிங், பிரதமர் அலுவலகத்தில் துணை அமைச்சராக நியமிக்கப்பட்டுள்ளார்.

இதர முக்கிய அமைச்சுப் பொறுப்புகள் வருமாறு:

ரயில்வேத்துறை : சதானந்த கவுடா

தொலைத் தொடர்பு மற்றும் சட்டம் : ரவிசங்கர் பிரசாத்

சிறுபான்மையினர் நலன் : நஜ்மா ஹெப்துல்லா

சுகாதாரம் : ஹர்ஷ் வர்தன்

விவசாயம் : ராதா மோகன் சிங்

சமூக நலம் மற்றும் வலுவூட்டல் :தாவர் சந்த் கெஹலோட்

பழங்குடியினர் நலன் : ஜுவல் ஓராம்நீர்வளம் மற்றும் கங்கை நதி மேம்பாடு : உமா பாரதி

நுகர்வோ நலன், உணவு மற்றும் பொது விநியோகம் : ராம் விலாஸ் பாஸ்வான்

கனரகத் தொழிற்சாலைகள் மற்றும் பொதுத்துறை நிறுவனங்கள் : ஆனந்த் கீதே. இந்தத்துறையின் துணை அமைச்சராக பொன் ராதாகிருஷ்ணன் நியமிக்கப்பட்டுள்ளார்.

பாரதீய ஜனதா கட்சியின் பேச்சாளர்களான நிர்மலா சீதாராமனுக்கு வணிகத்துறையோடு, நிதித்துறையும், பிரகாஷ் ஜவ்டேகருக்கு செய்தி ஒலிபரப்பு மற்றும் சுற்றுச்சூழல் அமைச்சமும் ஒதுக்கப்பட்டுள்ளன. bbc

பலத்த பாதுகாப்புக்கு இடையே நாட்டின் புதிய பிரதமராக நரேந்திர மோடி 44 அமைச்சர்களுடன் பதவியேற்கிறார்

இன்று மாலை குடியரசு தலைவர் மாளிகையில் நடைபெறும் பதவியேற்பு விழாவில், நரேந்திர மோடியுடன் 23 மத்திய அமைச்சர்களும், 10 இணை அமைச்சர்களும், 11 தனி பொறுப்பு அமைச்சர்களும் பதவியேற்பார்கள் என்று செய்திகள் வெளியாகி உள்ளன. இதற்காக டெல்லி குடியரசுத் தலைவர் மாளிகை வளாகத்தில் ஏற்பாடுகள் நடைபெற்று வருகின்றன.

குடியரசு தலைவர் மாளிகை வளாகத்தில் உள்ள வெளிப்புற முற்றத்தில் நடைபெறும் நிகழ்ச்சியில் குடியரசு தலைவர் பிரணாப் முகர்ஜி, நரேந்திர மோடிக்கு பதவிப் பிரமாணமும் ரகசியக் காப்பு பிரமாணமும் செய்துவைக்கிறார்.

குடியரசு துணைத் தலைவர் ஹமீது அன்சாரி, காங்கிரஸ் தலைவர் சோனியா காந்தி, மன்மோகன் சிங், பாஜக மூத்த தலைவர்கள், பல்வேறு மாநிலங்களின் ஆளுநர்கள், முதல்வர்கள், வெளிநாட்டு தலைவர்கள், வெளிநாட்டுத் தூதர்கள் உள்ளிட்ட சுமார் 4,000 பேர் இந்த விழாவில் கலந்து கொள்கின்றனர்.

 

இதையடுத்து, இங்கு பலத்த பாதுகாப்பு ஏற்பாடுகள் செய்யப்பட்டுள்ளன. விழா நடைபெறும் பகுதியில் அத்துமீறியும், அனுமதியின்றியும் விமானங்கள் பறக்காமல் தடுக்கும் வகையில் இந்திய விமானப் படை வான்வழிக் கண்காணிப்பில் ஈடுபட்டுள்ளது. மேலும், பாதுகாப்புப் பணியில் 15,000 மத்திய, மாநில காவல் துறைகளின் கமாண்டோ வீரர்கள் ஈடுபடுத்தப்பட்டுள்ளதாகக் கூறப்படுகிறது.

டில்லியில் சீமானுக்கு மோடி பதவியேற்பு விழாவில் புலி கொடியுடன் ஓடும் அசைன்மென்ட் கிட்டியது!

டில்லியில் நடைபெறவுள்ள பதவியேற்பு விழாவில் இலங்கை ஜனாதிபதி ராஜபக்ஷே கலந்து கொள்வதை முன்னிட்டு, பதவியேற்பு நடைபெறும் அரங்குக்கு வெளியே ‘புலி கொடியுடன் ஓடும் சாகச நிகழ்ச்சி’ ஒன்றுக்கான அசைன்மென்ட், செந்தமிழன் சீமானுக்கு ஆஃபர் செய்யப்பட்டுள்ளது.
வெளிநாட்டு புலிப் பிரிவான நெடியவன் படையணியால் வழங்கப்பட்டுள்ள அந்த ஆஃபரை ஏற்றுக் கொள்வதா, வேண்டாமா என சீமான் முகாமில் ஆராயப்படுகிறது என்கிறார்கள்.
‘புலி கொடியுடன் ஓடும் சாகச நிகழ்ச்சி’ என்றால் என்னவென்று தெரியாத வாசகர்களுக்காக ஒரு விளக்கம்:
இந்த அதிவீர சாகசச் செயல், வெளிநாடுகளில் இலங்கை அணி கிரிக்கெட் விளையாடும் மைதானங்களில் அவ்வப்போது நடைபெறுவது வழக்கம். விளையாட்டு மைதானத்துக்கு பார்வையாளர் போல செல்லும் தேசிய வீரர் ஒருவர், திடீரென புலிக் கொடியுடன் மைதானத்துக்குள் துள்ளியோடுவார்.
லோக்கல் போலீஸ் அவரை மஞ்சு விரட்டில் மாடு பிடிப்பதுபோல துரத்திச் சென்று பிடித்து வருவார்கள். யுத்தத்தில் ஜெயித்துவிட்டு வரும் தளபதிபோல, இருபுறமும் கையை அசைத்துக் காட்டியபடி பவிலியனுக்கு திரும்புவார் (இழுத்து வரப்படுவார்) அவர்.
இதற்கெல்லாம் வெளிநாட்டு போலீஸ் கைது செய்ய மாட்டார்கள்.
வீரனை ‘நியூசென்ஸ் கேஸ்’ என்று மேட்ச் முடியும்வரை பெஞ்சில் இருத்தி வைத்துவிட்டு, முதுகில் தட்டி, ‘go and see a good doctor”  என்று சொல்லி அனுப்பி விடுவார்கள்.
ஆனால், சிங்கள ராணுவத்தை யுத்தத்தில் ஜெயிப்பதற்கு ஒப்பான தீரச் செயலாக இந்த சாகச நிகழ்வு, தேசிய ஊடகங்களில் வர்ணிக்கப்படும்.
நல்ல வேளையாக, புலிக்கொடி காத்த குமரன் மைதானத்துக்குள் ஓடும்போது அணிந்திருந்த டி-ஷர்ட், ஷூ ஆகியவற்றை ஏலம் விட்டு, ‘இறுதி யுத்தத்துக்கு(?)’ நிதி சேகரிக்கும் நடைமுறை இன்னமும் தொடங்கவில்லை. (அட.. இந்த ஐடியா நல்லாயிருக்கே!)
பிரான்ஸில் உள்ள நெடியவன் படையணி பொறுப்பாளர், செந்தமிழன் சீமானை போனில் அழைத்து, “தமிழனின் வீரத்தை பறைசாற்றும் சாகச நிகழ்வை செய்து, டில்லி வரும் ராஜபக்ஷேவுக்கு வரலாறு காணாத தோல்வியை கொடுக்கலாம்” என்று கோரிக்கை விடுத்துள்ளார்.
இந்த சாகசத்தை செய்வதற்காக அற்புதமான compensation package ஒன்றும், ஆஃபர் செய்யப்பட்டதாக தெரிகிறது.
வழமையாக இந்த வெளிநாட்டு படையணி மாஸ்டர்களும், அம்மான்களும் சொல்வதற்கெல்லாம் உடனே தலையாட்டும் சீமான், இம்முறை சற்றே தயங்குவதாக தெரிகிறது.
என்ன காரணம்?
தமிழகத்தின் எந்த நகரத்தில் புலிக்கொடியுடன் ஓட வேண்டுமானாலும், சீமான் ரெடி.
புலிக்கொடியென்ன, நிஜ புலியை சங்கிலியில் கட்டி இழுத்து கொண்டு ஓடவும் அவர் தயாராக உள்ளார்.
ஆனால், இந்த பதவியேற்பு டில்லியில் அல்லவா நடக்கிறது?
ஏற்கனவே, தீவிரவாத அச்சுறுத்தலில் மகா டென்ஷனில் உள்ள டில்லி போலீஸ், தீவிரவாதி என்று நினைத்து நம்ம ‘கொடிப் புலியை’ நோக்கி எந்திர துப்பாக்கியை திருப்பி விட்டால்…?
இதுதான் சீமானின் தயக்கத்துக்கு காரணம் என்கிறார்கள், பிரான்ஸில் உள்ள நெடியவன் படையணி வட்டாரங்களில்.
“என்னங்க சார், விடுதலைப் புலிகள் இயக்கத்துக்கு டில்லிக்காரங்க தடை போட்டிருக்காங்க… நீங்க புலிக்கொடியுடன் ஓட சொல்றீங்க! பேசாம புலிக்கொடிக்கு பதிலா, தமிழீழ தேசியப் பறவை செண்பகம், பனைமரம், முசல்குட்டி என்று வேறு படம் போட்ட கொடியை வெச்சுக்குவோமா” என சீமான் கேட்டிருக்கிறார்.
“முசல் குட்டியா? சரியாப் போச்சு. யாரோ வெட்டினரி டாக்டர் வருகிறார் என்று நெனைச்சிடுவாங்க.. புலிக்கொடிதான் சிறப்பு, அதுதான் வீரம்.. உங்களுக்கு தெரியாதா அண்ணே..” என பிரான்ஸில் இருந்து கீ கொடுத்திருக்கிறார்கள்.
“இல்லீங்க.. புலிகள் இயக்கத்தை பயங்கரவாத இயக்கம்ன்னு டில்லிக்காரங்க தடை செஞ்சுட்டாங்களே..” என சீமான் இழுத்தாராம்.
“அட, இது அந்த புலியின் கொடியல்ல.. இது தமிழன் கொடி, சோழ மன்னனின் புலிக்கொடி என்று நீங்க சொல்லி விடலாம்” என ஐடியா கொடுக்கப்பட்டது.
இப்படி சொன்னதும் சீமான் ஒருதடவை தான் அணிந்திருந்த சிவப்பு பனியனை பார்த்தார். காரணம், புலி சின்னம் போட்ட பனியன்களையே அவர் அணிவது வழக்கம்.
அவரது பனியனில் அச்சிடப்பட்டு இருந்த புலி படத்தின்கீழ் இரு துப்பாக்கிகள் நீட்டிக்கொண்டு இருந்தன. புலியை சுற்றி துப்பாக்கி தோட்டாக்களும் இருந்தன.
சீமான் படித்த காலத்தில், சரித்திர பாட வகுப்பில், எந்த சோழ மன்னனும் துப்பாக்கி பயன்படுத்தியதாக ஆசிரியர் சொல்லிக் கொடுத்ததில்லை (அல்லது, ‘துப்பாக்கிச் சோழன்’ பாடம் நடந்த கிளாஸூக்கு அவர் கட் அடித்து விட்டார்).
இதனால், “உங்க ஐடியா நல்ல ஐடியாதான். எதற்கும் என் தம்பிகளுடன் கலந்து ஆலோசித்துவிட்டு பதில் கூறுகிறேன்” என கூறிவிட்டு போனை வைத்துவிட்டாராம் சீமான்.
தற்போது சீமான் முகாமில், தீவிர ஆலோசனை நடக்கிறது.
பார் புகழும் வீரனாக உருவெடுக்க ஒரு அரிய சந்தர்ப்பம் சீமானுக்கு கிட்டியுள்ளது. சீமான் என்ன முடிவை எடுப்பாரோ! தமிழினமே காத்திருக்கிறது.
பதவியேற்பு விழாவுக்கு இன்னும் சில‌ மணி நேரமே உள்ளது! கடிகாரம் ஓடுகிறது, டிக்.. டிக்.. டிக்..

விசாரணைக்கான நிதி அமெரிக்கா, கனடா, நோர்வே, பிரித்தானியா போன்ற நாடுகள் பகுதி அளவில் பூர்த்தி

சிறிலங்காவுக்கு எதிரான விசாரணை நடத்துவதற்கான நிதி முழுவதுமாக திரட்டப்பட்டுள்ளதாக ஐக்கிய நாடுகளின் மனித உரிமைகள் ஆணைக்குழுவின் தகவல்கள் தெரிவிக்கின்றன.
இந்த நிலையில் உடனடியாக சர்வதேச விசாரணையை ஆரம்பிப்பதில் ஆணையாளர் நவநீதம் பிள்ளை உறுதியாக இருப்பதாக கூறப்படுகிறது.
இலங்கைக்கு எதிராக சர்வதேச விசாரணைக்கான நிதி தேவையை அமெரிக்கா, கனடா, நோர்வே, பிரித்தானியா போன்ற நாடுகள் பகுதி அளவில் பூர்த்தி செய்வதாக அறிவித்திருந்தன.
எஞ்சிய தொகைக்காக ஐக்கிய நாடுகள் சபையிடம் இந்த நிதி கோரப்பட்டிருந்த நிலையில், அதற்கான அனுமதி தற்போது கிடைத்துள்ளது.
இந்த நிலையில் எதிர்வரும் ஜுன் மாதம் முதல் வாரத்தில் சர்வதேச விசாரணையை நடத்தவுள்ள குழுவை உத்தியோகபூர்வமாக ஐக்கிய நாடுகளின் ஆணையாளர் நவநீதம்பிள்ளை அறிவிப்பார் என்று தெரிவிக்கப்படுகிறது.

ராஜபக்சேவுடன் பேச்சுவார்த்தை: மார்க்சிஸ்ட் வலியுறுத்தல்

மார்க்சிஸ்ட் கம்யூனிஸ்ட் மாநிலச் செயலர் ஜி.ராமகிருஷ்ணன் | கோப்புப் படம்

இலங்கைத் தமிழர் பிரச்சினைக்கு தீர்வு காண, அந்நாட்டு அதிபர் ராஜபக்சே வருகையை பயன்படுத்த வேண்டும் என்று மார்க்சிஸ்ட் கம்யூனிஸ்ட் கட்சி வலியுறுத்தியுள்ளது.

இது தொடர்பாக அக்கட்சியின் தமிழ்நாடு மாநிலச் செயலர் ஜி.ராமகிருஷ்ணன் இன்று வெளியிட்ட அறிக்கையில், "இலங்கையில் ஆயுத மோதல்கள் முடிவுக்கு வந்து 5 ஆண்டுகள் கடந்த பின்பும் இலங்கை தமிழ் மக்களின் பிரச்சினைகளுக்கு தீர்வு காணும் எந்த நடவடிக்கையையும் இலங்கை அரசாங்கம் மேற்கொள்ளவில்லை. அதற்கான முயற்சிகளும் இருப்பதாய் தெரியவில்லை. இறுதிக்கட்ட மோதலின்போது நடைபெற்ற மனித உரிமைகள் மீறல்கள் குறித்து இதுவரையிலும் விசாரணைகள் எதுவும் நடைபெறவில்லை.

வடக்கு மாகாண தேர்தல்கள் நடைபெற்று புதிய அரசாங்கம் பொறுப்பேற்று 8 மாதங்கள் ஆகிவிட்ட பின்பும் அந்த அரசுக்கு எவ்வித அதிகாரமும் இல்லாத நிலை நீடிக்கிறது. ராணுவ அணிகாரி ஒருவரே வடக்கு மாகாணத்தின் ஆளுநராக நீடிக்கிறார்.

இலங்கைத் தமிழர்கள் வாழும் பகுதிகளுக்கு அதிகாரப் பரவலுக்கு எவ்வித நடவடிக்கையும் எடுக்கப்படவில்லை. போரினால் பாதிக்கப்பட்ட மக்களின் வாழ்வாதாரம் சிதைந்துள்ள நிலையில், தமிழர்களின் புனர் வாழ்விற்கான நடவடிக்கையும் மேற்கொள்ளப்படாத நிலை நீடிக்கிறது.

இந்நிலையில், இந்திய அரசு தன்னுடைய ராஜீய உறவுகள் மற்றும் அழுத்தங்களின் மூலமாகவும், பேச்சுவார்த்தையின் மூலமாகவும் இலங்கைத் தமிழ் மக்களின் பிரச்சினைகளுக்கு தீர்வு காண நடவடிக்கைகள் மேற்கொள்ள வேண்டும்.

புதிய அரசின் பதவியேற்பு நிகழ்ச்சிக்கு இலங்கை அதிபர் மகிந்தா ராஜபக்சே வருவதை பயன்படுத்தி கூடுதல் நிர்ப்பந்தம் கொடுத்து மத்திய அரசு, இலங்கைத் தமிழர் பிரச்சினைகளுக்கும், இன்னல்களுக்கும் தீர்வு காண வேண்டும் என்று மார்க்சிஸ்ட் கம்யூனிஸ்ட் கட்சியின் மாநில செயற்குழு மத்திய அரசை வலியுறுத்துகிறது" என்று ஜி.ராமகிருஷ்ணன் கூறியுள்ளார்.

பெண்கள் கருத்தரித்த நிலையிலும் குழந்தையுடனும் நாடு திரும்புவது அதிகரித்து வருவதாக இலங்கை வெளிநாட்டு வேலைவாய்ப்பு வாரியம்

இலங்கையிலிருந்து மத்திய கிழக்கு நாடுகளுக்கு பணிப்பெண் வேலைக்கு செல்லும் பெண்கள் கருத்தரித்த நிலையிலும் குழந்தையுடனும் நாடு திரும்புவது அதிகரித்து வருவதாக இலங்கை வெளிநாட்டு வேலைவாய்ப்பு வாரியம் கூறுகின்றது.

கடந்த இரு வருட காலப்பகுதியில், கருவுற்ற நிலையிலும் குழந்தையுடனும் சுமார் 300 பெண்கள் வரை நாட்டிற்கு அழைத்து வரப்பட்டிருந்தாலும் சட்டப் பிரச்சினை காரணமாக அழைத்து வர முடியாதவர்களும் அதிகம் இருப்பதாக இலங்கை வெளிநாட்டு வேலை வாய்ப்பு வாரியத்தின் துணை பொதுமுகாமையாளர் மங்கள ரன்தெனிய கூறுகின்றார்.

இந்தப் பெண்களை பொறுத்தவரை கணவன் மனைவியாக சென்று கர்ப்பமுற்றவர்களும் அதில் இருந்தாலும் அவர்களின் எண்ணிக்கை மிகவும் குறைவானது. கூடுதலானோர் தமது தனிப்பட்ட நடத்தை காரணமாகவே கர்ப்பமடைந்தள்ளார்கள்.

''சில சந்தர்ப்பங்களில் பாலியல் பலாத்தாரம் என்று அவர்கள் சொன்னாலும் சட்ட ரீதியான விசாரணைகள் மற்றும் மருத்துவ பரிசோதனை போன்ற விஞ்ஞான ரீதியான சோதனைகளின் போது, விருப்பத்துடன் நடந்துகொண்டதாக அங்கு கூறுவார்கள் ஒப்புக்கொள்கிறார்கள். இருந்தாலும் இங்கு அது பற்றிய தகவல்களை வெளியிட அவர்கள் விரும்புவதாக இல்லை'' என்றும் ரந்தெனிய தெரிவிக்கின்றார்.

நாட்டை விட்டு புறப்பட முன்பு இது தொடர்பிலான அறிவுத்தல்கள் பணியகத்தினால் அவர்களுக்கு வழங்கப்பட்டாலும் சிலர் பிரச்சினையில் சிக்கிக்கொள்கின்றார்கள் என்றும் அவர் குறிப்பிடுகின்றார்.

கணவன் இன்றி கருத்தரிப்பது மத்தியகிழக்கு நாடுகளில் கடுமையான தண்டணைக்குரிய குற்றமென்பதால்தான் கூடுதல் பணம் செலவு செய்து இலங்கைக்கு அழைத்த வரவேண்டிய நிலை ஏற்படுவதாகவும் அவர் தெரிவிக்கின்றார்.

நாட்டிற்கு அழைத்து வரப்பட்ட பின்னர் பணியகத்தினால் பராமரிக்கப்பட்டு, பெண்ணுக்கும் அவரது குடும்பத்தினருக்கும் கவுன்சிலிங் வழங்கப்பட்டு, குழந்தை சிறுவர் பாதுகாப்பு சட்டத்தின் கீழ் குடும்பத்தில் அவர்கள் இணைக்கப்படுவதாகவும் அவர் தெரிவிக்கின்றார்.

ஜெயலலிதா அரசை கலைத்து, ஜனாதிபதி ஆட்சியை பிரகடனப்படுத்தி, அடுத்த 4 மாதங்களுக்குள் தேர்தல் நடத்தும் யோசனைக்கு நான் ஆதரவு ;சுப்பிரமணியம்

நரேந்திர மோடி பதவியேற்பு விழாவிற்கான அழைப்பை ஜெயலலிதா அரசு ஏற்று அந்த விழாவில் அதிமுக பங்கெடுக்கவில்லை என்றால், ஜெயலலிதா தலைமையிலான அரசை கலைத்து, ஜனாதிபதி ஆட்சியை பிரகடனப்படுத்தி, அடுத்த 4 மாதங்களுக்குள் தேர்தல் நடத்தும் யோசனைக்கு நான் ஆதரவு தெரிவிக்கிறேன் என சுப்பிரமணியசாமி தனது டிவிட்டர் பக்கத்தில் தெரிவித்துள்ளார்.

நரேந்திர மோடியின் பிரதமர் பதவியேற்பு விழாவின் தமிழக முதலமைச்சர் ஜெயலலிதா ஜெயராம் பங்குகொள்ள மாட்டார் என தமிழக தகவல்கள் தெரிவிக்கின்றனர்.பதவியேற்பு விழாவில் பங்கேற்குமாறு இலங்கை ஜனாதிபதி உள்ளிட்ட சார்க் வலய நாட்டு தலைவர்களுக்கு நரேந்திர மோடி அழைப்பு விடுத்துள்ளார்.இந்நிலையில் இலங்கை ஜனாதிபதி இந்த பதவியேற்பு விழாவில் பங்குகொள்வதை தமிழக கட்சிகள் விரும்பவில்லை.விசேடமாக நடந்து முடிந்த பொதுத் தேர்தலில் பாஜக கூட்டணியில் இடம்பிடித்த தமிழக கட்சிகளான மதிமுக, காந்திய மக்கள் கட்சி போன்றவை கடும் எதிர்ப்பை வெளியிட்டுள்ளன. எதிர்வரும் 26.05.2014 அன்று இந்தியாவின் நிதி அமைச்சராக பதவி ஏற்க உள்ள பேராசிரியர் டாக்டர் சுப்பிரமணியம் சுவாமி என்பதும் குறிப்பிடத்தக்கது

ராஜபக்ஷே வந்தால்,செந்தமிழன் சீமான், தமிழகத்தின் எந்தப் பகுதியை எரிக்கலாம்,அம்மாவுக்கு தூது

வரும் திங்கட்கிழமை நரேந்திர மோடி பிரதமராக பதவியேற்கும் விழாவுக்கு இலங்கை ஜனாதிபதி ராஜபக்ஷே வந்தால், தமிழகமே பற்றியெரியும்” என வீர முழக்கமிட்டுள்ள செந்தமிழன் சீமான், தமிழகத்தின் எந்தப் பகுதியை எரிக்கலாம், அல்லது  ஏதாவது ஒரு பகுதியை எரிக்கலாமா என அனுமதி கோரி, அம்மாவுக்கு தூது அனுப்பியுள்ளதாக அ.தி.மு.க. வட்டாரங்களில் இருந்து தெரியவருகிறது.
சமீபத்தில் நடந்த நாடாளுமன்ற தேர்தல் பிரசாரத்தின்போது, சீமானுடன் நெருக்கி விட்ட அ.தி.மு.க. அமைச்சர் ஒருவரிடம் ஆள் அனுப்பி, அம்மாவின் மனநிலை எப்படி என்று பல்ஸ் பார்த்து சொல்லும்படி கேட்டுள்ளாராம் சீமான்.
இலங்கை ஜனாதிபதி ராஜபக்ஷே வருகையை தடுப்பதற்காக வைகோ, டில்லியில் முகாமிட்டு பா.ஜ.க. தலைவர்களை நேரில் சந்தித்து லாபி செய்துவரும் செய்திகள், தமிழகத்தின் நாம் தமிழர் கட்சியின் ‘தமிழுணர்வை’ இரண்டாம் இடத்துக்கு தள்ளும் விதத்தில் உள்ளதாக அக் கட்சியினர் கருதுகின்றனர்.
ராஜபக்ஷே விஜய அரசியலில் முழு கிரெடிட்டையும் வைகோ தட்டிச் சென்றுவிட்டால், அது நாம் தமிழர் கட்சிக்கு பின்னடைவாக அமைந்து விடும் என்பதை அக் கட்சியினர் புரிந்து வைத்துள்ளனர்.
அதற்காக சீமானும் டில்லிக்குப் போய், பா.ஜ.க.  தலைவர்களை சந்திப்பதெல்லாம் சாத்தியமில்லை.
டில்லிக்கு போக செந்தமிழன் ரெடியாக உள்ளார். ஆனால், அங்கே போய் யாரை சந்திப்பது?
பா.ஜ.க.-வின் மூன்றாம் மட்ட தலைவர்களே, “சீமான் கியா ஹை?” என்று கேட்கும் அளவுக்கு அண்ணனின் செல்வாக்கு உள்ளதால், மோடி வீடு உள்ள தெருக்கோடி வரைதான் செந்தமிழனால் போக முடியும்.
அங்கிருந்து கூவினால், கையில் சில்லறைதான் போடுவார்கள்!
இதையடுத்தே, வைகோ போல லாபி செய்யும் டிப்ளமேட்டிக் உத்திகளை விடுத்து, தமக்கு நன்கு பரிச்சயமான “தமிழகமே பற்றியெரியும்” கோஷத்தை முன்னெடுக்கிறார் சீமான்.
அதிலும் ஒரு சிக்கலாக, தமிழகத்தில் ஆளும் கட்சியாக அ.தி.மு.க.-வும், அதன் முதல்வராக ஜெயலலிதாவும்  உள்ளார்கள்.
அண்ணன் தமிழகத்தை பற்றியெரிய வைத்துவிட்டால், சட்டம் ஒழுங்கு குலைகிறது என அம்மாவுக்கு கோபம் வந்தால் என்னாகிறது?
இதையடுத்து அ.தி.மு.க. அமைச்சர் ஒருவருக்கு தூது அனுப்பியுள்ளார், தமிழின வீரவேங்கை.
“திங்கட்கிழமை சென்னையில் ஒப்பாரி, இலங்கை தூதரகத்துக்கு கல்லெறிதல், ராஜபக்ஷே உருவ பொம்மையை சுற்றி கும்மியடித்தல் போன்ற வழமையான சிறப்பு அம்ச போராட்டங்களை நடத்தினால், அம்மா கோவிப்பாரா என கொஞ்சம் பல்ஸ் பார்த்துச் சொல்லுங்க” என சீமானின் தூதர் கேட்டுக் கொண்டதாக அ.தி.மு.க. வட்டாரங்களில் பேச்சு அடிபடுகிறது.
அ.தி.மு.க. அமைச்சர் ஒருவரிடம் இது தொடர்பாக நாம் கேட்டபோது, “பதவியேற்பு நடப்பதோ டில்லியில், ராஜபக்ஷே வருவதும் டில்லியில்தான். பேசாமல் ‘டில்லியே பற்றி எரியும்’ என அறிவிக்கலாமே. எதற்கு தமிழகத்தில் நின்று துள்ள வேண்டும்?” என்றார் சலிப்புடன்!
விஷயம் புரியாமல் சலித்துக் கொள்கிறாரே இந்த அமைச்சர்…
டில்லியில் தீவிரவாதம் அது இதென்று ஏக பரபரப்பாக உள்ளது. இந்த நிலையில் சீமானின் ஆட்கள் அங்கு பீடி கொளுத்த தீப்பெட்டியை தூக்கினாலே, பிடித்து உள்ளே போட்டு விடுவார்கள்.
அண்ணன் டில்லியில் உள்ளே போடப்பட்டால், தமிழகத்தில் தமிழனை காப்பது யார்?
புரிந்து கொள்ளுங்க அ.தி.மு.க. அமைச்சரே.. எப்படியாவது அம்மாவிடம் அனுமதி வாங்கி கொடுங்க!

மோடியை ஆட்சிக்குக் கொண்டுவந்தால் ஈழம் புலம்பெயர் தமிழர்களின் சீசன்

மோடியை ஆட்சிக்குக் கொண்டுவந்தால் ஈழம் பிடிப்பதற்கு வசதியாகவிருக்கும் என்று தமிழகத்தில் வை;கோபாலசாமியும், புலம்பெயர் நாடுகளில் புலியின் வாரிசுகள் என்று கூறிக்கொள்பவர்களும் மக்களை நம்பவைத்து மீண்டும் கழுத்தறுத்துள்ளார்கள். இன்று மக்களை நம்பவைத்துக் கழுத்தறுக்கும் வை,கோ உட்பட்ட புலம்பெயர் கூட்டம் தான் 2009 ஆம் ஆண்டு மே மாதம் வன்னியிலிருந்த புலிகளின் தலைமையையும் மக்களையும் நம்பவைத்து கூண்டோடு கொன்று போட்டது. 2009 ஆம் ஆண்டு பாரதீய ஜனதா வெற்றிபெற்றுவிடும் என்றும் ஜெயலலிதா வென்றுவிடுவார் என்றும் முள்ளிவாய்க்காலை விட்டு வெளியேறவேண்டாம் என்றும் வை.கோவும் புலம்பெயர் கும்பலும் புலிகளை வன்னியில் சிறைப்பிடித்து வைத்திருந்தது.

அதனை நம்பி நந்திக்கடலில் அப்பாவித்தனமாகக் குந்தியிருந்த புலிகளின் தலைமை கூண்டோடு அழிக்கப்பட்டது.

அழிக்கப்பட்ட பின்னர் தமிழ் நாட்டிலோ புலம்பெயர் நாடுகளிலோ எழுச்சிகள் ஏற்பட்டுவிடக் கூடாது என்பதற்காக பிரபாகரன் இறக்கவில்லை அமைதியாக இருங்கள் அவர் வந்து போராடுவார் என அழைப்புவிடுத்த பிழைப்புவாதி வைகோ இற்கும் வன்னிக் கொலைகளுக்கும் நெருங்கிய தொடர்புண்டு.

இன்று நேற்றல்ல நீண்ட பல வருடங்களாகவே மக்களுக்கு உண்மைகளை மறைத்து அவர்களை ஏமாற்றி பணத்தையும் வாக்கையும் திருடும் இந்தக் கும்பல்கள் அழிவுகளின் பின்னர் இன்னும் வாழ்கின்றன.

தனது தொகுதியான ஹம்பாந்தோட்டையில் எதிரி வக்கீலை நேரடியாகவே கத்தியால் குத்தி கொலைசெய்து ஆட்சிக்கு வந்த மகிந்த ராஜபக்சவைப் போன்றே நரேந்திர மோடி தனது தொகுதியில் இனப்படுகொலை செய்தே ஆட்சிக்கு வந்தவர். இந்த இரண்டு கொலைகாரர்களில் இருவரும் ஒருவருக்கு ஒருவர் சளைத்தவர்களல்ல.

வை.கோ பார்த்துக்கொண்ட்ருக்கும் போதே, 2012 ஆம் ஆண்டில் மத்தியப் பிரதேசத்திற்கு ராஜபக்சவை சிறப்பு விருந்தினராக அழைத்து கௌரவப்படுத்தியது பாரதீய ஜனதாக் கட்சி.

இந்த நிலையில் ராஜபக்சவை அழைக்க வேண்டாம் என்று அவரின் சக கொலைகாரனான மோடியிடம் மனுப்போட்டு இரந்துகொண்டிருக்கிறது புலம்பெயர் பிழைப்புவாதக் கும்பல்கள். இவர்கள் தம்மைப் புலிகளின் தொடர்ச்சி எனக் கூறிக்கொள்கின்றனர்.

இலங்கையில் நடந்தது இனப்படுகொலயோ போர்க்குற்றமோ அல்ல என வெளிப்படையாகவே கூறிய பாரதிய ஜனதாவின் முக்கிய தலைவரும் புதிய அரசில் பாதுகாப்பு அமைச்சராகப் பரிந்துரை செய்யப்பட்டிருப்பவருமான சுஷ்மா சுவராஜ் வை.கோ இன் நண்பரும் கூட. 2000 ஆம் ஆண்டு ஆனையிறவு சுற்றிவழைக்கப்பட்டு 20 ஆயிரத்திற்கும் அதிகமான இராணுவத்தினர் முகாம்களில் முடக்கப்பட்டிருந்த போது பாரதீய ஜனதா ஆட்சியிலிருந்தது. முற்றுகையை விலக்காவிட்டால் இலங்கை இராணுவத்திற்கு ஆதரவாக இந்தியப் படைகள் இறங்கும் என வை.கோ அங்கம் வகித்த அரசே புலிகளை மிரட்டியது. புலிகள் முற்றுகையை விலக்கிக்கொண்டனர்.

புலிகளின் ஆயுதக் கப்பல்கள் அதிகமாக தாக்கப் பட்டது வை.கோ அங்கம் வகித்த பாரதிய ஜனதா ஆட்சில் இருந்த 1998ல் இருந்து 2004 வரைதான்.

இவை அனைத்தையும் தெரிந்துகொண்டே புலம்பெயர் பிழைமிஒப்புவாதிகள் வை.கோ ஐ ஆதரித்து மோடியிடம் மண்டியிடுகின்றனர்.

தமிழ் நாட்டில் மட்டுமல்ல இந்தியா முழுவதிலும் ஏன் உலகம் முழுவதிலும் தமிழர்களின் நண்பர்களே பெரும்பான்மை. அவர்கள் மோடி, ராஜபக்ச போன்ற பாசிஸ்டுக்களின் எதிரிகள். ஒடுக்கப்படும் மக்களின் நண்பர்கள். தமிழ் மக்களைப் பலவீனப்படுத்த எண்ணும் புலம்பெயர் பிழைப்பு வாதிகள் மோடியை ஆதரிப்பதால் முழுத் தமிழ் மக்களையும் அவர்களின் நண்பர்கள் அருவருப்பாகப் பார்க்கின்றனர்.

போராட்டம் ஆரம்பித்த நாளிலிருந்து அதனை அழித்த அத்தனை பேரும் ஓரணியில் திரண்டு இனிமேலும் அது முழைவிடாமல் பேரினவாத இலங்கை அதிகாரவர்க்கத்திற்குத் துணைபோகின்றனர். இதனையே ஒற்றுமை என்றும் பலம் என்றும் அழைத்து மக்களை ஏமாற்றுகின்றனர்.

ஈழ அகதிகள் அடைக்கப்பட்டிருக்கும் முகாமில் போராட்டம்

தமிழ் நாட்டிற்கு அகதிகளாகச் சென்று கியூ பிரிவினரதும், பொலிசினதும் இரும்புப் பிடிக்குள் முகாம்களுக்குள்ளும் வெளியிலும் வாழும் ஈழத் தமிழர்களைக் கேட்டால் தெரியும் ஜெயலலிதா யார் என்று. இன்றைக்கு வரைக்கும் ஈழத் தமிழர்களுக்காக அவர் எந்த நற்செயலையும் செய்ததில்லை. ரஜீவ் காந்தி படுகொலையில் குற்றம் சாட்டப்பட்ட அப்பாவிகளைச் சிறையிலடைத்ததிலிருந்து சிறப்பு முகாம்களில் விசாரணையின்றி கிரிமினல்கள் போல அகதிகளை அடைத்து வைத்திருப்பது ஜெயலலிதா அரசே.

இலங்கையில் நடப்பது பயங்கரவாதம் என முதலில் அறிவித்த இந்தியத் தலைவர் ஜெயலலிதாவே. வெற்றுத் தீர்மானங்களைத் தேர்தலில் சிறிய பகுதி வாக்குக்களைப் பொறுக்கும் நோக்குடன் நிறைவேற்றிவிட்டு தமிழர்களையே ஒடுக்கும் ஜெயலலிதா சுப்பிரமணிய சுவாமியின் நண்பர்.   சுப்பிரமணிய சுவாமி

ராஜபக்சவுடன் சுப்பிரமணிய சுவாமி

 இனக்கொலையாளி ராஜபக்சவின் நண்பரும் ஆலோசகருமாவார். போர் நடந்துகொண்டிருக்கும் போது பயங்கரவாதம் அழிக்கப்படுவதாக பாசிஸ்ட் ராஜபக்சவைப் பாராட்டியவர். போர் முடிந்தபின்னர் இலங்கை இராணுவத்தின் வெற்றி விழாக் கொண்டாடங்களில் இரண்டு தடவை கலத்துகொண்டவர்.

மோடியின் புதிய அரசில் சுப்பிரமணிய சுவாமி நிதியமைச்சராகப் பதவியேற்பதற்காகக் காத்திருக்கும் இந்து அடிப்படைவாதி.

தேர்தல் நடைபெற்ற காலத்தில் மோடிக்கு ஆதரவாக அதாவது ராஜபக்சவின் நண்பர் சுப்பிரமணிய சுவாமிக்கு அதரவாக புலம்பெயர் தமிழ் ஊடகங்கள் பிரச்சாரம் செய்தன.பின்னர்  பாரதீய ஜனதா என்ற கொலைப்படையின் தலைமையில் வாக்குக் கேட்டுத் தோற்றுப் போன வை..கோவிற்காகக் கண்ணீர்வடித்தார்கள்.

ஜெயலலிதா, நரேந்திர மோடி, சுப்பிரமணிய சுவாமி, வை.கோ கும்பலோடு கூட்டுவைத்திருப்பதைத்தமிழ்த் தேசியம் என்று கூறும் புலம்பெயர் கும்பல்கள் இந்திய அரச அதிகாரம் சில அதிகாரிகளின் கைகளில் உள்ளது என்ற மாயையை ஏற்படுத்த ஆரம்பித்துவிட்டார்கள். இனிமேல் அதிகாரிகளைத் தாஜா செய்து இந்திய வெளியுறவுக் கொள்கையை மாற்றுவோம் எனப் பிரச்சாரம் செய்து மக்களிடம் பணம் கறக்க இந்தக் கும்பல்களுக்கு இது வாய்ப்பளிக்கும்.

நரேந்திர மோடியை அதிகாரத்திற்கு அழைத்துவந்து பிரதமர் சிம்மாசனத்தில் இருத்திய பல்தேசிய வியாபார நிறுவனங்களே அதிகாரிகளையும் கூட தீர்மானிக்கிறது என்பதை மறைப்பது அவர்களின் பிழைப்பிற்கு அவசியமானது.

ஜெயலலிதாவை வாழ்த்தி பிரான்ஸ் மக்களவை அனுப்பிய அறிக்கை

காலத்திற்குக் காலம் ஒவ்வொரு பிழைப்பு வாதியைக் காட்டி மக்களை ஏமாற்றுவதும் பின்னர் துரோகி என்பதும் புதியவர்களைப் பிடித்து வருவதும் இவர்களது வழமை. இந்த வகையில் இப்போது ஜெயலலிதாவைப் பிடித்துவைத்திருக்கிறார்கள். இதை வைத்தே சில வருடங்களை ஓட்டிவிட்டு இன்னொரு புதியவரைத் தேடுவார்கள். இதனை எதிர்ப்பவர்களையும் மக்களுக்கு உண்மையை கூற முற்படுபவர்களையும் துரோகி என்பார்கள். போராட்டத்தை முன்னோக்கி நகர்த்த வேண்டும் என்ற நோக்கத்தில் நடந்த தவறுகளுக்காக புலிகளையும் பிரபாகரனையும் விமர்சிப்பவர்களை துரோகிப்பட்டம் கட்டும் புலம்பெயர் புலி வியாபாரக் கும்பல்கள் ஜெயலிதா மோடியின் பதவியேற்பில் கலந்துகொள்ளவில்லை என்பதற்காக அறிக்கைவிடுத்து ஆராத்தி எடுக்கின்றன. தமிழின விரோதி சுப்பிரமணிய சுவாமியை அமைச்சராக்கக் கூடாது என்று ஆர்பாட்டம் நடத்த ஜெயலலிதா தயாரா என்று இவர்கள் கேட்கமாட்டார்கள். ஜெயலலிதாவே தமிழின விரோதிதானே? இவை அனைத்திற்கும் எதிரான புதிய மக்கள் சார்ந்த தலைமை கட்டியெழுப்பப்படும் வரையும் ஈழ மக்களின் அவலம் இவர்களுக்குப் பொன்முட்டை போடும்          நன்றி;தாமரைச்செல்வம்

பாகிஸ்தான் பிரதமரும் வருகிறார் இந்திய - பாகிஸ்தான் உறவுகளில் ஒரு புதிய சகாப்தத்தை தொடங்கிவைக்கும்

மோடி பதவியேற்பு விழாவுக்கு வருமாறு நரேந்திர மோடி விடுத்த அழைப்பை பிரதமர் நவாஸ் ஷெரீஃப் ஏற்றுக்கொண்டு புதுடில்லி செல்வார் என அவரது பேச்சாளர் உறுதிபடுத்தியுள்ளார்.

இந்தச் செய்தியை உறுதிப்படுத்தியுள்ள பாகிஸ்தானிய அரச தொலைக்காட்சி, அந்தப் பயணித்தின்போது அவர் இந்தியக் குடியரசுத் தலைவர் பிரணாப் முகர்ஜியையும் சந்தித்துப் பேசுவார் என செய்தி வெளியிட்டுள்ளது.

அந்தப் பதவியேற்பு விழாவையொட்டி நவாஸ் ஷெரீஃப் ஒருநாள் பயணமான புதுடில்லி செல்வார் என அவரது கட்சியின் பேச்சாளர் சித்திக் அலி ஃபரூக் தெரிவித்துள்ளார்.

இந்தப் பயணம் இந்திய - பாகிஸ்தான் உறவுகளில் ஒரு புதிய சகாப்தத்தை தொடங்கிவைக்கும் எனவும், இந்தியாவுடன் நல்லுறவை நவாஸ் ஷெரீஃப் விரும்புகிறார் எனவும் அவரது ஊடக ஆலோசகர் தாரிக் அசீம் செய்தியாளர்களிடம் கூறியுள்ளார்.

பாகிஸ்தான் பிரதமர், மோடியின் பதவியேற்பு விழாவுக்கு வருவது ஒரு “நல்ல செய்தி” என்று பாஜக பேச்சாளர் பிரகாஷ் ஜவ்டேகர் தெரிவித்துள்ளார்.

இந்தப் பதவியேற்பு விழாவில் பங்கேற்பதற்காக இலங்கை ஜனாதிபதி மஹிந்த ராஜபக்ஷவும் டில்லி செல்லவுள்ளார்.

மஹிந்த ராஜபக்ஷவின் வரவுக்கு எதிர்ப்பு தெரிவிக்கும் வகையில், டில்லியில் கருப்புக் கொடி கண்டனப் போராட்டம் ஒன்று நடைபெறும் என மதிமுக கூறியுள்ளது.

விசாரணையை ஏற்றுக்கொள்ள முடியாது;மஹிந்த ராஜபக்­ச

சர்வதேச விசாரணையை இலங்கை ஒரு போதும் ஏற்றுக்கொள்ளாது என்று ஐ.நா செயலாளர் பான் கீ மூனிடம் நேரடியாகத் தெரிவித்துள்ள ஜனாதிபதி மஹிந்த ராஜபக்­ச, பான் கீ மூனை இலங்கைக்கு மீண்டும் வருமாறும் அழைப்பு விடுத்துள்ளார்.

சீனாவில் நடைபெறும் இரண்டு நாள் சர்வதேச மாநாட்டுக்காக சென்றுள்ள ஜனாதிபதி அந்த மாநாட்டில் பங்குபற்றுவதற்கு வந்திருந்த ஐ.நா. செயலாளர் நாயகத்துடன் நேற்றுப் பிற்பகலில் தனிப்பட்ட சந்திப்பு ஒன்றை நடத்தினார். 

அந்தச் சந்திப்பின் போதே இந்த அழைப்பை ஜனாதிபதி மஹிந்த விடுத்தார் என்று ஜனாதிபதி அலுவலக வட்டாரங்கள் தெரிவித்துள்ளன.

2009 ஆம் ஆண்டு மே மாதம் இலங்கையில் போர் முடிவுக்கு கொண்டு வரப்பட்ட சில நாள்களில், ஐ.நா. செயலாளர் நாயகம் பான்கீ மூன் இலங்கைக்குப் பயணம் மேற்கொண்டிருந்தார். 

அதற்குப் பின்னர் இப்போது நாட்டில் ஏற்பட்டுள்ள அபிவிருத்தி நடவடிக்கைகளை நேரில் பார்வையிட்டு மதிப்பீடு செய்வதற்காக இலங்கைக்கு மீண்டும் வருகை தரும்படி ஜ.நா. செயலரை ஜனாதிபதி அழைத்துள்ளார். 

கற்றுக் கொண்ட பாடங்கள் மற்றும் நல்லிணக்க ஆணைக் குழுவின் பரிந்துரைகளை தமது அரச செயற்படுத்தி வருகின்றது என்று ஐ.நா. செயலாளர் நாயகத்திடம் கூறியுள்ள ஜனாதிபதி ராஜபக்ச­ பரிந்துரைகளில் சுமார் 30 வீதம் ஏற்கனவே நடைமுறைப் படுத்தப்பட்டுகின்றது என்றும் தெரிவித்துள்ளார்.

இந்தச் சந்திப்பின் போது, "போரின் போது இடம்பெற்றவை எனக் கூறப்படும் அத்துமீறல்கள் குறித்து உள்நாட்டுப் பொறி முறை மூலம் முழு அளவில் கவனம் செலுத்தி நடவடிக்கை எடுக்கத் எனது அரசு திடசங்கற்பம் பூண்டுள்ளது. சர்வதேச விசாரணைப் பொறிமுறை என்பது இலங்கை மக்களின் நோக்கைப் பிரதிபலிக்கவில்லை'' எனவும் ஜனாதிபதி எடுத்துரைத்துள்ளார் என்றும் அலுவலக வட்டாரங்கள் மேலும் தெரிவித்துள்ளன.

சிகரெட் இனி அடையாள அட்டையை காண்பித்தால்தான் கிடைக்கும்

அமெரிக்காவில் சிகரெட்டை வாங்க வேண்டுமென்றால் வயதை நிரூபிக்கும் அடையாள அட்டையை காண்பிக்க வேண்டும் என்று உத்தரவிடப்பட்டுள்ளது.

 அமெரிக்காவில் வசிக்கும் மக்கள் தங்கள் உடல் நலம் குறித்த விழிப்புணர்வை பெறும் வகையில் சிகரெட்டுகள் வாங்குவதற்கான குறைந்தபட்ச வயது 21 ஆக உயர்த்தப்பட்டுள்ளது.

 கடந்த நவம்பர் மாதம் 19 ஆம் தேதி இந்த சட்டத்திற்கான ஒப்புதல் அளிக்கப்பட்டது. எனினும், சட்டம் அமல்படுத்துவதற்கு முன் 6 மாத கால அவகாசம் வழங்கப்பட்டிருந்தது.

 நியூயார்க்கில் சாலையோரம் அமைந்துள்ள கடைகளில் சிகரெட்டுகள் அதிகமாக விற்கப்படுகின்றன. எனவே அந்த கடைகளின் வாசலில் 21 வயதிற்கு கீழ் சிகரெட்டுகள் புகையிலை விற்கக்கூடாது என்ற எச்சரிக்கை வாசகம் ஒட்டப்பட்டுள்ளது.

 வாடிக்கையாளர்கள் கடைகளில் சிகரெட்டுகள் வாங்க வரும்போது தங்கள் வயதை நிரூபிக்கும் வகையில் அடையாள அட்டைகளை காண்பிக்க வேண்டும் என்றும், அதை கடைக்காரர்கள் ஸ்கேன் செய்து பார்த்து வயதை உறுதி செய்த பின்னர்தான் சிகரெட்டை அவர்களுக்கு விற்க வேண்டும் என்றும் உத்தரவிடப்பட்டுள்ளது.

 இந்த புதிய சட்டத்தால் நியூயார்க்கில் 18 முதல் 20 வயதிற்கு உட்பட்டவர்கள் சிகரெட்டுகள் பிடிப்பவர்களின் எண்ணிக்கை குறையும் என்று எதிர்பார்க்கப்படுகிறது. விரைவில் அமெரிக்காவின் மற்ற மாகாணங்களுக்கும் இந்த சட்டத்தை அமல்படுத்த பரிந்துரைக்கப்பட்டுள்ளது குறிப்பிடத்தக்கது.

உலகின் பணக்கார நடிகர்கள் பட்டியலில் ஷாருக் கான்

Wealth-X's Hollywood and Bollywood Rich List  என்ற பட்டியல் பாலிவுட் மற்றும் ஹாலிவுட் நடிகர்களில் பணக்காரர்களை அவர்களின்  மதிப்பின்படி வரிசைப்படுத்தியுள்ளது.இதன்படி, பிரபல ஹாலிவுட் நடிகரான டாம் க்ரூசை மூன்றாவது இடத்திற்கு தள்ளி, பிரபல பாலிவுட் நடிகர் ஷாருக் கான் இரண்டாவது இடத்தை பிடித்துள்ளார்.   

 இப்பட்டியலில் முதலிடம் பிடித்தது நகைச்சுவை நடிகர் ஜெர்ரி ஜின்பில்டு. இவர் 820 அமெரிக்க டாலர் மதிப்பில் முதல் இடத்தில் உள்ளார். இரண்டாவது இடத்தை பிடித்துள்ள ஷாருக் 600 மில்லியன் அமெரிக்க டாலர் மதிப்பை கொண்டுள்ளார்.480 மில்லியன் அமெரிக்க டாலர் மதிப்பில் டாம் க்ருஸ் 3 வது இடத்தில் இருக்கிறார்.இப்பட்டியலில் முதல் 10 இடங்களில் இடம்பெற்ற ஒரே இந்திய நடிகர் ஷாருக் கான் என்பது குறிப்பிடத்தக்கது.

வடக்கில் உள்ள தமிழ் மக்களின் உடல்களில் ஓடுவது இன்று இராணுவத்தினரின் இரத்தம்

வடக்கில் உள்ள தமிழ் மக்களின் உடல்களில் இன்று இராணுவத்தினரின் இரத்தம் ஓடுவது பெருமைக்குரிய விடயமாகும் என பாதுகாப்பு மற்றும் நகர அபிவிருத்தி ஊடக மையத்தின் பேச்சாளர் பிரிகேடியர் ருவன் வணிகசூரிய தெரிவித்தார்.
கொள்ளுப்பிட்டியில் அமைந்துள்ள பாதுகாப்பு மற்றும் நகர அபிவிருத்தி அமைச்சின் ஊடக மையத்தில் இன்று காலை நடைபெற்ற ஊடகவியலாளர் சந்திப்பில் கருத்து தெரிவிக்கையிலேயே அவர்

இவ்வாறு கூறினார். இது தொடர்பில் அவர் மேலும் கூறியதாவது,
வடக்கில் நடைபெறும் இரத்த தான நிகழ்வுகளை இராணுவம் குழப்புவதாக சில ஊடகங்கள் முன்வைக்கும் குற்றச்சாட்டில் உண்மையில்லை. ஆனால் வடக்கில் தமிழ் மக்களுக்கு இரத்தம் வழங்குவதற்காக இராணுவத்தினரே இரத்த தான நிகழ்வுகளை அடிக்கடி ஏற்பாடு செய்துவருகின்றனர்.கடந்த இரண்டு வருட காலத்தில் தமிழ் மக்களுக்காக வடக்கில் இராணுவத்தினர் 10 ஆயிரம் பொயின்ட் இரத்தம் வழங்கியுள்ளனர். கடற்படையினர் 2 ஆயிரம் பொயின்ட் இரத்தத்தையும் விமானப் படையினர் 1200 பொயின்ட் இரத்தத்தையும் வழங்கியுள்ளனர். அவசரத் தேவைக்காக மிகவும் அரிய வகை இரத்தத்தையும் உடனடியாக வழங்கக்கூடிய வசதிகள் இராணுவத்தினரிடம் உள்ளன. அதற்கேற்ற வகையில் ஒவ்வொரு படை வீரரினதும் இரத்தம் தொடர்பான தகவல்கள் கணனியில் பாதுகாக்கப்பட்டு வருகின்றன.
இப்படியாக பாதுகாப்பு படையினர் வழங்கிய இரத்தம் வடக்கில் நோயாளர்களுக்கும் விபத்துக்குள்ளானவர்களுக்கும் ஏற்றப்பட்டு உயிர்கள் காப்பாற்றப்பட்டுள்ளன. அந்த வகையில், வடக்கில் உள்ள தமிழ் மக்களின் உடல்களில் இன்று இராணுவத்தினரின் இரத்தம் ஓடுவது பெருமைக்குரிய விடயமாகும் என பிரிகேடியர் ருவன் வணிகசூரிய மேலும் தெரிவித்தார்.

மோடி பிரதமராவதற்கு முன்பே வைகோ மூலம் தமது முதலாவது சவாலை சந்திக்கவுள்ளார்.

மத்தியில் புதிதாக ஆட்சி அமைக்கவுள்ள பா.ஜ.க. அரசு, தமது முதலாவது மாபெரும் இக்கட்டான நிலையை தமிழகத்தில் இருந்துதான் சந்திக்க வேண்டும் என விதி இருந்தால், அதை யாரால் மாற்ற முடியும்?
நரேந்திர மோடி, பிரதமராவதற்கு முன்பே, தமிழகத்தில் இருந்து வைகோ மூலம் தமது முதலாவது சவாலை சந்திக்கவுள்ளார்.
நாட்டின் 15-வது பிரதமராக பா.ஜ.க.வின் நரேந்திர மோடி, வரும் திங்கட்கிழமை பதவியேற்கவுள்ள நிகழ்ச்சியில், பா.ஜ.க.வின் கூட்டணிக் கட்சியாக உள்ள நிலையிலும், தமிழர் நலனைக் கருத்தில் கொண்டு  புறக்கணிக்கிறார், வைகோ.
மோடி பதவியேற்பில் பங்கேற்க வருமாறு, பாகிஸ்தான் பிரதமர் நவாஸ் ஷெரீப், ஆப்கன் ஜனாதிபதி கர்சாய், ஆகியோருடன் இலங்கை ஜனாதிபதி ராஜபக்ஷேவுக்கும் அழைப்பு அனுப்பியுள்ளது, ம.தி.மு.க. வட்டாரங்களை கொந்தளிக்க வைத்துள்ளது.
“இந்த தேர்தலில் பா.ஜ.க. பெரு வெற்றிபெற உதவிய கூட்டணிக் கட்சியான ம.தி.மு.க.-விடம், பதவியேற்பு விழாவுக்கு யார் யாரை அழைக்க வேண்டும் என ஆலோசனை நடத்தாமல், டில்லியில் உள்ளவர்கள் எப்படி ராஜபக்ஷேவை அழைக்கும் முடிவை எடுக்கலாம்”  என ஆவேச கேள்விக்கணை தொடுத்தார், ம.தி.மு.க. பிரமுகர் ஒருவர்.
“கடந்த தடவை  ராஜபக்ஷே மத்திய பிரதேச மாநிலம் சாஞ்சிக்கு வந்தபோது சாஞ்சிக்கே போய், ராஜபக்ஷேவுக்கு எதிராக கொடிபிடித்த தீரர் வைகோ மட்டுமே. சாஞ்சிக்கு வந்த ராஜபக்ஷேவையே கதிகலங்க வைத்த வைகோ, ராஜபக்ஷே தலைநகரில் கால் வைப்பதை பார்த்துக்கொண்டு சும்மா இருந்து விடுவாரா? டில்லி விமான நிலையத்திலேயே மாபெரும் போராட்டம் வெடிக்கும்” என்றும் தெரிவித்தார் அந்த ம.தி.மு.க. பிரமுகர்.
சாஞ்சிக்கு பஸ்ஸில் வைகோ புறப்பட்ட காட்சி
சாஞ்சிக்கு பஸ்ஸில் வைகோ புறப்பட்ட காட்சி
மத்திய பிரதேசத்துக்கு ராஜபக்ஷேவை அழைத்ததுகூட, அங்குள்ள பா.ஜ.க. மாநில அரசுதான்.
அப்படியிருந்தும் நூற்றுக்கணக்கான கி.மீ. பஸ்ஸில் பயணம் செய்து, ராஜபக்ஷேவுக்கு தமது எதிர்ப்பை இங்கு அழுத்தமாக பதிவு செய்து, தமிழரை தலைநிமிர வைத்தவர் வைகோ.
டில்லி சற்று தொலைவில் உள்ளதால், பஸ்ஸில் போவது அவ்வளவாக சாத்தியமில்லை என்ற போதிலும், ரயிலிலோ, விமானத்திலோ, ம.தி.மு.க. தொண்டர்களை திரட்டிக்கொண்டு வைகோ கிளம்புவார் என எதிர்பார்க்கப்படுகிறது.
ம.தி.மு.க.வில் ஏற்பட்டுள்ள கொந்தளிப்பு நிலையை பார்த்தால், டில்லி போராட்டத்துக்கான அறிவிப்பு,  இன்றோ, நாளையோ ம.தி.மு.க. தலைமையகத்தால் வெளியிடப்படலாம் என ஊகிக்க முடிகிறது.
மொத்தத்தில், புதிய அரசின் பதவியேற்பு அன்று, தலைநகரில் கருப்புக்கொடி காட்டி சரித்திரத்தில் இடம்பெறவுள்ளது, ம.தி.மு.க.
தமிழகம் இப்படி கொந்தளித்துக் கொண்டு இருக்கும்போது, டில்லியில் என்ன நடக்கிறது?
பதவியேற்பு விழாவில் பங்கேற்க ராஜபக்ஷே உறுதி தெரிவித்து உள்ளதால்,  மிகுந்த இக்கட்டுக்கு ஆளாகியுள்ளது, புதிய பா.ஜ.க. அரசு. இதனால், புதிய அரசு உடனடியாக கவிழும் அபாயம் இல்லை என்பதே அவர்களுக்குள்ள ஒரே ஆறுதல்.
ம.தி.மு.க. பிரமுகர் ஒருவரிடம் நாம் தொடர்பு கொண்டபோது, “இலங்கை ஜனாதிபதிக்கு விடுத்துள்ள அழைப்பை, உடனடியாக மீளப் பெற்றுக்கொள்ள வேண்டும் என நட்பு ரீதியில் வைகோ வேண்டுகோள் விடுப்பார். டில்லி அதற்கு சம்மதிக்கவில்லை என்றால், அதன்பின் நடவடிக்கை கடுமையாக இருக்கும்.
பா.ஜ.க. கூட்டணியில் இருந்து ம.தி.மு.க. விலகிக்கொள்ளும் என்று மிரட்டல் விடுக்கவும் வைகோ தயங்க மாட்டார்” என்றார், அந்த ம.தி.மு.க. பிரமுகர்.                                                                     ராஜீவ் காந்திக்கு மோடி நினைவஞ்சலி

பாராளுமன்ற தேர்தல் பிரசார களத்தில் காங்கிரசுக்கும், நரேந்திர மோடிக்கும் இடையே வார்த்தை யுத்தங்கள் நடைபெற்றன. ஆனால் அதையெல்லாம் மனதில் வைத்துக்கொள்ளாமல், முன்னாள் பிரதமர் ராஜீவ் காந்தி நினைவுநாளான நேற்று, அவருக்கு நரேந்திர மோடி நினைவஞ்சலி செலுத்தினார். இது குறித்து நரேந்திர மோடி 'டுவிட்டர்' சமூக வலைத்தளத்தில், "முன்னாள் பிரதமர் ராஜீவ் காந்தி நினைவு தினத்தில் அன்னாருக்கு எனது நினைவஞ்சலி" என குறிப்பிட்டுள்ளார்.

யாழ்ப்பாணத்தில் ஒன்டரைக் கோடியைக் கொடுத்து ஏமாந்தவர்களில் ஒரு குடும்பத்தின் ஆச்சியின் ஆவேசத் தாக்குதலும் யாழ்ப்பாணக் கிராமப்புறத்தில் நடைபெறும் தத்துரூபமான சண்டைக் காட்சிகளைக் கண் முன் நிறுத்தும் சம்பவம் இதோ

இருகரம் கூப்பி மோடி கூட்டனியிடம் மன்றாட்டம் வைக்கோ

பிரதமர் மோடி பதவியேற்பு விழாவில் ராஜபக்சே பங்கேற்க கூடாது என ம.தி.மு.க., பொதுச்செயலாளர் வைகோ தெரிவித்துள்ளார். இதுகுறித்து வைகோ வெளியிட்ட அறிக்கை: மோடியின் தேசிய ஜனநாயக கூட்டணி அரசு பதவி ஏற்கும் விழாவிற்கு, இலங்கை அதிபர் ராஜபக்சேவுக்கும் அழைப்பு அனுப்பப்பட்டு உள்ளதாகவும், ராஜபக்சே கலந்து கொள்ள இருப்பதாகவும் வந்த தகவல் பேரிடியாகத் தாக்குகிறது. லட்சக்கணக்கான இலங்கை தமிழர்களின் ரத்தக்கறை படிந்த கரங்களோடு, இந்திய நாட்டுக்குள் ராஜபக்சே நுழைவதை எந்தவிதத்திலும் தமிழர்களால் சகித்துக் கொள்ள இயலாது. எனவே பதவி ஏற்பு விழாவில் பங்கு ஏற்க, ராஜபக்சேவை  அழைக்க கூடாது என தேசிய ஜனநாயகக் கூட்டணிக் கட்சித் தலைவர்களையும், இருகரம் கூப்பி வேண்டுகிறேன் என்று கூறியிருக்கிறார் வைகோ. கீழே உள்ள‌.உள் வீட்டுக்காரர் படம் விடுதலை புலிகள் அமைப்பின் பாலா அண்னா.இலங்கை அரசின் முன்னைநாள் பிறேமதாச....அந்த நாள் ஞபகம் 

அடுத்தடுத்து நைஜீரியா இரட்டை குண்டு வெடிப்புக்கு 118 பேர் பலி

மத்திய நைஜீரியாவின் ஜோஸ் நகரில் அடுத்தடுத்து இரண்டு கார் குண்டுகள் வெடித்ததில் 118 பேர் உடல் சிதறி பரிதாபமாக பலியாகினர். நியூ அபுஜா மார்க்கெட் பகுதியில் உள்ளூர் நேரப்படி பிற்பகல் 3 மணியளவில் முதல் தாக்குதலும், சுமார் அரை மணி நேரம் கழித்து, மினி பஸ் மீது வெடி குண்டுகள் நிரப்பப்பட்ட காரை மோத வைத்து இரண்டாவது தாக்குதலும் நடத்தப்பட்டது. இவ்விரு தாக்குதல்களிலும் 118 பேர் உயிரிழந்தனர். நூற்றுக்கும் மேற்பட்டவர்கள் படுகாயங்களுடன் சிகிச்சை பெற்று வருகின்றனர்.

அவர்களில் சிலரது நிலைமை கவலைக்கிடமாக இருப்பதால் பலி எண்ணிக்கை மேலும் அதிகரிக்கக் கூடும் என அஞ்சப்படுகிறது. குண்டுகள் வெடித்த இடத்தில் உள்ள பல வீடுகளும், கடைகளும் இந்த தாக்குதலில் பலத்த சேதம் அடைந்தன. சில கட்டிடங்களில் கொழுந்து விட்டெரியும் தீயை அணைக்க மீட்புப் படையினர் கடுமையாக போராடி வருகின்றனர்.

ஜோஸ் நகரில் போக்கோ ஹரம் தீவிரவாதிகளின் ரகசிய முகாம்கள் அதிகம் இருப்பதால் இந்த தாக்குதலை அவர்கள்தான் நடத்தியிருக்கக் கூடும் என் போலீசார் கருதுகின்றனர்.

எல்லா இடத்திலும் தேங்காய்க்கு முதல் மரியாதை

தேங்காய், நம் அன்றாட வாழ்க்கையில் இரண்டறக் கலந்துவிட்ட எல்லா இடத்திலும் தேங்காய்க்கு முதல் மரியாதை தான். தேங்காய், மங்களகரத்தின் அடையாளச் சின்னம் மட்டுமல்ல, சிறந்த மருத்துவப் பொருளும்கூட என்கிறது சித்த மருத்துவம்.

தேங்காயில் உள்ள ‘பேட்டி ஆசிட்’ (Fatty acid) உடலில் உள்ள கெட்ட கொழுப்பைக் கரைக்கிறது. உடல் எடையைக் குறைக்கிறது என்று சமீபத்திய ஒரு ஆய்வில் கண்டுபிடிக்கப்பட்டுள்ளது.

தாய்ப்பாலில் உள்ள புரதச் சத்துக்கு இணையானது இளநீரில் உள்ள புரதச்சத்து. சித்த மருத்துவம் உள்பட இந்திய மருத்துவ முறைகளில் தென்னையின் பயன்கள் பட்டியலிடப்பட்டுள்ளன.தென்னையின் வேரிலிருந்து குருத்து வரை எல்லாப் பாகங்களிலும் மருத்துவக் குணங்கள் கொட்டிக் கிடப்பதாகச் சொல்கிறது சித்த மருத்துவம். தேங்காய், தேங்காய் எண்ணெய் உடல்நலத்துக்குக் கேடு என்ற பிரசாரம், தேங்காய் எண்ணெய் மீது சுமத்தப்பட்டிருக்கும் அவதூறு என்கிறார்கள் நமது பாரம்பரிய மருத்துவர்கள்.

புரதச்சத்து, மாவுச் சத்து, கால்சியம், பாஸ்பரஸ், இரும்பு உள்ளிட்ட தாதுப் பொருள்கள், வைட்டமின் ‘சி’, அனைத்து வகை பி காம்ப்ளக்ஸ் சத்துக்கள், நார்ச்சத்து என உடல் இயக்கத்துக்குத் தேவைப்படும் அனைத்துச் சத்துகளும் தேங்காயில் உள்ளன. தேங்காய்ப் பால், உடல் வலிமைக்கு நல்லது.

தேங்காய் எண்ணெய் சித்த மருத்துவத்தில் பல்வேறு மருந்துகளில் சேர்க்கப்படுகிறது. தேங்காய் எண்ணெய்யைத் தடவி வந்தால் தீப்புண்கள் விரைவில் குணமாகும்.

கூந்தல் வளர்ச்சிக்கு தேங்காய் எண்ணெய் சிறந்த டானிக். தேமல், படை, சிரங்கு போன்ற நோய்களுக்குத் தயாரிக்கப்படும் மருந்துகளில் பெருமளவு தேங்காய் எண்ணெய் சேர்க்கப்படுகிறது.

மாதவிலக்கின் போது ஏற்படும் அதிக உதிரப்போக்குக்கு, தென்னை மரத்தின் வேரிலிருந்து எடுக்கப்படும் சாறு நல்ல மருந்து. வெள்ளைப்படுதலுக்கு தென்னம் பூ மருந்தாகப் பயன்படுத்தப்படுகிறது.

தேங்காய் எண்ணெய் தயாரிக்கும்போது கிடைக்கும் புண்ணாக்கோடு கருஞ்சீரகத்தைச் சேர்த்து, தோல் நோய்களுக்கான மருந்துகள் தயாரிக்கப்படுகின்றன.

பாடம் கற்க வேண்டும் இலங்கையிடம் இந்தியா;சுப்பிரமணியன் சுவாமி வலியுறுத்தல்!

விடுதலைப் புலிகள் இயக்கத்தை இலங்கை அரசு முற்றாக அழித்துவிட்டிருக்கிறது. இவ்வாறு பயங்கவராதத்தை எதிர்கொள்ள இலங்கையுடன் இந்தியா இணைந்து செயற்பட வேண்டியது அவசியம் என்று பாரதீய ஜனதாவின் சுப்பிரமணியன் சுவாமி கூறியுள்ளார்.
இது தொடர்பாக அவர் வெளியிட்டுள்ள அறிக்கையில் கூறியுள்ளதாவது, இலங்கையைச் சேர்ந்த பாகிஸ்தானில் பயிற்சி பெற்ற இஸ்லாமிய அடிப்படைவாதிகள் இந்தியாவுக்குள் ஊடுருவி தமிழகத்தில் தாக்குதல் நடத்த திட்டமிட்டிருக்கின்றனர்.
அண்மையில் சென்னையில் நடைபெற்ற குண்டுவெடிப்புத் தாக்குதலில் ஒருவர் பலியானார். பலர் படுகாயமடைந்தனர். இதனால் பயங்கரவாதத்தை எதிர்கொள்வது தொடர்பாக ஆக்கப்பூர்வமான பேச்சுவார்த்தைகளை இலங்கையுடன் இந்தியா மேற்கொள்ள வேண்டும் எனவும் அந்த அரசை நாடு சிறப்பிக்க வேண்டும்' என்று சுப்பிரமணியன் சுவாமி தனது அறிக்கையில் மேலும் கூறியுள்ளார்.