சுற்றுலாப் பயணிகள் வருகை நூற்றுக்கு 14.7 ஆக அதிகரித்து

இலங்கைக்கு வருகைதரும் வெளிநாட்டு சுற்றுலா பயணிகளின் எண்ணிக்கையில் அதிகரிப்பு ஏற்பட்டுள்ளதாகப் பொருளாதார அபிவிருத்தி அமைச்சு வெளியிட்டுள்ள செய்திக்குறிப்பில் தெரிவிக்கப்பட்டுள்ளது

இந்த அதிகரிப்பு எண்ணிக்கை நூற்றுக்கு 14.7 ஆக அதிகரித்துள்ளதாகவும் அமைச்சு சுட்டிக்காட்டியுள்ளதுடன்
கடந்த ஏப்ரல் மாதத்தில் மட்டும் 79 ஆயிரத்து 829 சுற்றுலா பயணிகள் இலங்கைக்கு வருகை தந்துள்ளதாக குறிப்பிட்டுள்ள பொருளாதார அபிவிருத்தி அமைச்சின் புள்ளி விபரத்தில் குறிக்கப்பட்டுள்ளதுடன் இந்த வருடத்தின் முதல் 4 மாதங்களில் 3 இலட்சத்து 68 ஆயிரத்து 627 சுற்றுலாப் பயணிகள் இலங்கைக்கு வருகை தந்துள்ளதாக குறிப்பிடப்பட்டுள்ளது.

சுற்றுலா பயணிகளை மேலும் அதிகமாக வரவளைக்கும் நோக்குடன் நாட்டில் உள்ள சுற்றுலாத்தலங்களில் சிலவற்றை புணரமைப்பதற்கு திட்டமிடப்பட்டுள்ளதாக பொருளாதார அபிவிருத்தி அமைச்சு குறிப்பிடப்பட்டுள்ளது.