முல்லைத்தீவு தமிழ் இளைஞர்கள் இராணுவ பயிற்சிகளை முடித்துக் வெளியேறினர்

முல்லைத்தீவு மாவட்டத்திலிருந்து இராணுவத்தில் இணைத்துக் கொள்ளப்பட்ட 46 தமிழ் இளைஞர் தமது மூன்று மாதகால பயிற்சிகளை முடித்துக் கொண்டு நேற்று முன்தினம் வெளியேறினர். பயிற்சிகளை முடித்துக் கொண்ட இவர்களுக்கான பிரியாவிடை வைபவம் முல்லைத்தீவு பாதுகாப்பு படைகளின் கட்டளைத் தலைமையகத்தில் இடம்பெற்றது.

இலங்கை இராணுவத்தின் நான்காவது காலாற்படை பிரிவின் கட்டளை அதிகாரியான லெப்டினன்ட் கேர்ணல் ஜனத் பிரேமதிலக்க பிரதம அதிதியாக கலந்து கொண்டதுடன் சிறந்த திறமைகளை வெளிக்காண்பித்த வீரர்களுக்கான கேடயங்களையும் வழங்கி வைத்தார். பிரியாவிடை மரியாதை அணிவகுப்புடன் பயிற்சிகளை முடித்து வெளியேறும் தமிழ் இராணுவ வீரர்களின் சாகச நிகழ்வுகளும் இடம்பெற்றன இவை பார்பவர்களுக்கு கண்கவரும் வகையில் அமைந்திருந்தது.

முல்லைத்தீவு பாதுகாப்பு படைகளின் கட்டளைத் தளபதி மேஜர் ஜெனரல் ஜகத் டயஸின் பூரண வழிகாட்டல்கள் மற்றும் ஆலோசனைக்கமைய இவர்களுக்கு மூன்று மாதகால வழங்கப்பட்டமை விஷேட அம்சமாகும்.

இந்த நிகழ்வில் இராணுவ படைப் பிரிவுகளின் உயர் அதிகாரிகள், பயிற்சிகளை முடித்துக் கொண்டு வெளியேறிய தமிழ் இளைஞர்களின் பெற்றோர்கள், உறவினர்கள் குடும்ப உறுப்பினர்கள் உட்பட முக்கியஸ்தர்கள் பலர் பலந்து கொண்டனர்.

6 நாட்கள் உலகம் இருளில் மூழ்கும்: நாசா தகவல்

சூரிய மண்டலத்தில் அடிக்கடி புயல் வீசுவது உண்டு.சுட்டெரித்து சாம்பலாக்கி விடும் இந்த பயங்கர புயல்களால், மற்ற கிரகங்களில் பாதிப்பு ஏற்படும்.பெரும்பாலான சூரிய புயல்களால், பூமியில் இருந்து ஏவப்படும் செயற்கைக் கோள்களுக்கு பாதிப்பு ஏற்பட்டு இருக்கிறது. அத்தகைய பயங்கர சூரிய மண்டல புயல் ஒன்று டிசம்பர் மாதம் வீச உள்ளது. டிசம்பர் மாதம் 16–ந் தேதி அந்த புயல் வீசத் தொடங்கும். 22–ந்தேதி வரை 6 நாட்களுக்கு புயலின் தாக்கம் நீடிக்கும் என்று நாசா விஞ்ஞானிகள் கணித்துள்ளனர்.கடந்த 250 ஆண்டு கால வரலாற்றில் இல்லாத அளவுக்கு இந்த சூரிய மண்டல புயல் மிகப்பெரியது என்று தெரிய வந்துள்ளது. சூரிய மண்டலத்தில் புயல் வீசும் 6 நாட்களும் வான்வெளியில் தூசிகள், துகள்கள் சுழன்றடிக்கப்பட்டு நிரம்பிவிடும்.

தூசிகள் நிரம்பும் போது வானில் மாற்றங்கள் ஏற்படும். குறிப்பாக சூரிய ஒளிக்கதிர்கள் பூமிக்கு வர முடியாதபடி, அந்த தூசிகள், துகள்கள் மறைத்துவிடும். இதன் காரணமாக டிசம்பர் 16–ந்தேதி முதல் 22–ந்தேதி வரை இந்த உலகமே இருளில் மூழ்கும் என்று நாசா விஞ்ஞானிகள் எச்சரித்துள்ளனர்.

சூரிய மண்டல புயல் பூமி அருகில் வராது. எனவே உலகம் இருளில் மூழ்கினாலும், பூமிக்கு எந்த பாதிப்பும் ஏற்படாது. ஆகையால் சூரிய புயலை நினைத்து மக்கள் பயப்பட வேண்டியது இல்லை என்று நாசா விஞ்ஞானிகள் கூறியுள்ளனர்.

சூரிய மண்டல புயலால் ஏற்படும் தூசி, துகள்கள் 220 மணி நேரத்துக்கு வானத்தை அடைத்துவிட்டது போல மாற்றிவிடும். அதற்கு ஏற்ப மக்கள் தங்களை தயார் படுத்திக்கொள்ள வேண்டும் என்று நாசா வேண்டுகோள் விடுத்துள்ளது.

பாராளுமன்றம் மக்களாள் தீக்கிரை ஆப்பிரிக்க நாடான பூர்கினா பாசோவில்

பூர்கினா பாசோவில் மக்கள் எழுச்சி. ஆயிரக் கணக்கான மக்கள் திரண்டு சென்று பாராளுமன்றத்தை தீக்கிரையாக்கினார்கள். ஆப்பிரிக்க நாடான பூர்கினா பாசோவில், இப்போது நடந்து கொண்டிருக்கும் மக்கள் எழுச்சி பற்றி, பெரும்பாலான ஊடகங்கள் எதுவும் கூறாமல் கள்ள மௌனம் சாதிக்கின்றன. ஏனென்றால், அங்கே கடந்த 30 வருடங்களுக்கும் மேலாக அதிகாரத்தில் இருந்தவர், மேற்குலக நாடுகளின் பொம்மை ஆட்சியாளர்.
முன்னாள் கம்யூனிச ஜனாதிபதி தோமஸ் சங்கராவை படுகொலை செய்து விட்டு, இராணுவ சதிப்புரட்சி ஒன்றின் மூலம் ஆட்சியைப் பிடித்தவர் தான், இந்நாள் சர்வாதிகாரி Blaise Compaore. பிரான்ஸ் மற்றும் மேற்குலக நாடுகளின் ஆசீர்வாதத்துடன், கடந்த முப்பது வருடங்களாக சர்வாதிகார ஆட்சி நடத்தி வந்தார்.

Blaise Compaore, தனது பதவிக் காலத்தை நீடிக்க விரும்பிய பொழுது, பொருத்தது போதும் என்ற மனநிலையில் இருந்த மக்கள் கிளர்ச்சி செய்தனர். இலட்சக் கணக்கானோர் ஆர்ப்பாட்டங்களில் கலந்து கொண்டனர். பூர்கினா பாசொவை ஒரு சோஷலிச நாடாக ஆட்சி செய்த தோமஸ் சங்கராவின் உருவப் படங்கள், பேரணிகளில் பரவலாகக் காணப் பட்டன. புரட்சியாளர்களை மக்கள் மறப்பதில்லை என்பதை இது எடுத்துக் காட்டுகின்றது. மக்கள் தலைவன் தோமஸ் சங்கராவை படுகொலை செய்தவர்களுக்கு, இன்று மக்கள் தண்டனை வழங்கியுள்ளனர்.
தலைநகரில் கூடிய ஆர்ப்பாட்டத்தை கலைப்பதற்காக, ஹெலிகாப்டரில் இருந்து துப்பாக்கிப் பிரயோகம் செய்யப் பட்டது. அதனால் கலைந்து ஓடிய ஆர்ப்பாட்டக்காரர்கள், பாராளுமன்றத்திற்குள் புகுந்தனர். இன்று பாராளுமன்ற உறுப்பினர்கள் ஒன்று கூடி, பிளேஸ் கொம்பாரேயின் பதவிக் காலத்தை நீடிக்கும் பிரேரணைக்கு ஆதரவாக வாக்களிக்க இருந்தனர். அதனால் சீற்றம் கொண்ட மக்கள் பாராளுமன்றத்தை முற்றாக எரித்து நாசமாக்கியுள்ளனர். அந்தச் சம்மபவம் நடந்த நேரம், அங்கே எந்தவொரு பாராளுமன்ற உறுப்பினரும் சமூகமளித்திருக்கவில்லை.
அதே நேரம், பிற அரசு அலுவலகங்களும் தாக்கப் பட்டுள்ளன. தொலைக்காட்சி நிலையம் முற்றுகையிடப் பட்டுள்ளது. தற்போதைய ஆட்சியாளர் சர்வாதிகாரி பிளேஸ் கொம்பாரேயின் சிலைகள் உடைத்து நொறுக்கப் பட்டுள்ளன.                                    .....   கலையரசன்

புலிகளின் தலைவர் பிரபாகரனுக்கு தேவையானதையே இந்த அரசாங்கம் செய்கின்றது – சுமந்திரன்

தமிழீழ விடுதலைப் புலிகளின் தலைவர் வேலுப்பிள்ளை பிரபாகரனுக்கு தேவையானதையே இந்த அரசாங்கம் செய்கின்றது என தமிழ்த் தேசியக் கூட்டமைப்பின் பாராளுமன்ற உறுப்பினர் எம்.ஏ.சுமந்திரன் தெரிவித்துள்ளார்.
வரவு செலவுத்திட்ட விவாதத்தில் பங்கேற்று உரையாற்றிய போது அவர் இதனைத் தெரிவித்துள்ளார்.
வெளிநாட்டவர்கள் வடக்கிற்கு செல்ல முடியாத நிலைமை ஏற்பட்டுள்ளதாகத் தெரிவித்துள்ளார். வடக்கினை ஏன் வெளிநாடு ஒன்றாக அரசாங்கம் கருதுகின்றது என அவர் கேள்வி எழுப்பியுள்ளார்.
இலங்கைக்கு விஜயம் செய்யும் வெளிநாட்டவர்கள் இரண்டு வீசா பெற்றுக்கொள்ள வேண்டியிருப்பதாகவும், ஒன்று நாட்டுக்குள் பிரவேசிப்பதற்கும் எனவும் மற்றையது வடக்கிற்குள் பிரவேசிப்பதற்கு எனவும் அவர் சுட்டிக்காட்டியுள்ளார்.
இவ்வாறான ஓர் நிலைமை ஏற்பட வேண்டும் என்றே பிரபாகரன் விரும்பியதாகவும் அதனையே அரசாங்கம் செய்து வருவதாகவும் அவர் குறிப்பிட்டுள்ளார்.
வடக்கிற்கு பயணம் செய்வதற்கு தனியான அனுமதி எதற்கு என அவர் கேள்வி எழுப்பியுள்ளார்.
தமிழ் மக்களின் மெய்யான பிரதிநிதிகள் தமிழ்த் தேசியக் கூட்டமைப்பினர் என்பதனை ஜனாதிபதி ஒப்புக்கொண்டுள்ளதாகக் குறிப்பிட்டுள்ளார்.
எனினும் அதற்கு அப்பாலான எந்த நடவடிக்கைகளையும் எடுக்க அரசாங்கமும், எதிர்க்கட்சிகளும் முனைப்பு காட்டவில்லை என அவர் தெரிவித்துள்ளார்.

பிரான்ஸ் பாடுமீன் அபிவிருத்தி சங்க உறுப்பினர்கள் கொண்ட குழு இலங்கையில்

பிரான்ஸ் நாட்டை தளமாக கொண்டு செயற்படும் பாடுமீன் அபிவிருத்தி சங்க உறுப்பினர்கள் கொண்ட  குழு.திரு.செல்வம் அவர்களின்  தலைமையில் அம்பாறைக்கு  பொத்துவில் மெ.த.மகாவித்தியாலத்துக்கு  விஜயம்செய்யதுள்ளனர். 

அம்பாறை மாவட்டத்தில் பொத்துவில்,பாணம,தாண்டியடி,கோமாரி ,ஆகிய கிராமங்களை உள்ளடக்கிய மாணவர்கள் நடைபெற்று கொண்டிருக்கும்  இலவச வகுப்பில் கலந்துகொள்கிறார்கள்.மாணவர்களின்  கல்வி மற்றும் போக்குவரத்து  குறைபாடுகள் பற்றி அறிந்துகொண்டதுடன் சில மாணவர்களுக்கு போக்குவரத்து வதியும்  இவர்களினால் செய்து கொடுக்கப்பட்டுள்ளது. புலத்தில் வாழும் எமது சகோதரர்கள் பின்தங்கிய பிரதேச மாணவர்களின் கல்வி முனேற்றத்துக்கு  கைகோர்த்து உதவமுன்வர வேண்டும் என்ற  கோரிக்கையை மாணவர்களினால்  முன்வைக்கப்பட்டது.

என்ன தவறு கியூபாவுடன் கைகோப்பதில்

எபோலா என்ற வைரஸ் காய்ச்சல் பரவிவரும் மேற்கு ஆப்பிரிக்காவி
லிருந்து 4,500 மைல்கள் தொலைவு தள்ளியிருக்கிறது கியூபா. அமெரிக்காவைப் போலவும் பிற ஐரோப்பிய நாடுகளைப் போலவும் வளமான நாடு இல்லையென்றாலும், எபோலாவால் பீடிக்கப்பட்ட நாடுகளுக்குச் சிகிச்சை அளிப்பதிலும் வழிகாட்டுவதிலும் உலகுக்கே முன்னுதாரணமாக நூற்றுக் கணக்கான மருத்துவர்களையும், நன்கு பயிற்சி பெற்ற மருத்துவப் பணியாளர்களையும் களத்தில் இறக்கி அரிய சேவையாற்றிக்கொண்டிருக்கிறது.
எபோலாவைப் பற்றி அறிந்து உலகமே அரற்றினாலும் அந்நோய் பரவிய ஆப்பிரிக்க நாடுகளுக்கு உதவிகள் போதுமான அளவு இதுவரை கிட்டவில்லை. அமெரிக்காவும் பிற ஐரோப்பிய நாடுகளும் ஒப்புக்கு ஒரு தொகையை அளித்திருந்தாலும் கியூபாவும் சில தன்னார்வத் தொண்டுநிறுவனங்களும் எது முக்கியமோ அதை வழங்கிவருகின்றன. காய்ச்சலைக் கட்டுப்படுத்தவும் குணப்படுத்தவும் கூடிய மருத்துவர்கள் கியூபா வால்தான் அனுப்பப்பட்டுள்ளனர்.
இன்னுமா அமெரிக்கா?
காய்ச்சல் வந்தவர்களைத் தனிமைப்படுத்தவும் சிகிச்சை அளிக்கவும் மேற்கு ஆப்பிரிக்க நாடு களின் மருத்துவர்களுக்குத் தொழில்ரீதியாக ஆலோசனை கூறக்கூடிய, வழிகாட்டக்கூடிய, உடனிருந்து பணியாற்றக்கூடிய நிபுணர்கள் தேவை. எபோலாவுக்கு சிகிச்சை அளித்த டாக்டர்கள், செவிலியர்களில் 400-க்கும் மேற்பட்ட வர்கள் காய்ச்சலுக்கு ஆளாகியுள்ளனர்,
4,500-க்கும் மேற்பட்டவர்கள் இறந்துள்ளனர். அமெரிக் காவிலும் ஐரோப்பிய நாடுகளிலும் எபோலா தலைகாட்டிவிட்டது. இது உலகம் முழுக்கப் பரவிவிடும் என்ற அச்சம் ஏற்பட்டிருக்கிறது.
அதிக நிதியுதவி தரும் நாடும், அதிக மருத்து வர்களைக் களத்துக்கு அனுப்பியிருக்கும் நாடும் நேருக்கு நேர் பேசும் நிலையில் இல்லை என்பது வெட்ககரமானது, வருத்தத்துக்குரியது. எபோலாவைக் கட்டுப்படுத்தும் முயற்சிக்காக வாவது தூதரக உறவை உடனடியாக ஏற்படுத்து வது நல்லது என்பதை ஒபாமா நிர்வாகம் உணர வேண்டும்.
கியூபா நாட்டு மருத்துவர்கள், செவிலியர்களில் பலருக்கு எபோலா தொற்ற வாய்ப்பு அதிகம். அப்படி அவர்களுக்கு நோய் தொற்றினால் எப்படி அவர்கள் கியூபா கொண்டுசெல்லப்படுவார்கள், சிகிச்சை பெறுவார்கள் என்பது தெரியவில்லை. உலக சுகாதார ஸ்தாபன மேற்பார்வையில் கியூப மருத்துவக் குழு செயல்படுகிறது. அவர்களுக்கு நோய்த்தொற்று ஏற்பட்டால், தனி வார்டில் சேர்க்கப்பட வேண்டும், மேல் சிகிச்சைக்காக கியூபாவுக்குத் தனி விமானத்தில் அழைத்துச் செல்லப்பட வேண்டும். இந்த வசதிகள் அமெரிக்காவிடம்தான் இருக்கிறது. நோயாளிகளை, பாதிக்கப்பட்ட பகுதிகளிலிருந்து வேறு இடங்களுக்குக் கொண்டுசெல்லும் சேவையை அளிக்கும் காப்பீட்டு நிறுவனங்கள், எபோலா நோயாளிகளை விமானத்தில் கொண்டு செல்ல முடியாது என்று மறுத்துவிட்டன.
எபோலாவால் பாதிக்கப்பட்ட பகுதிகளுக்கே சென்று சிகிச்சை செய்யும் மருத்துவர்கள் யாராக இருந்தாலும் அவர்களுடைய தீரத்தை மெச்சுவதாகக் கூறிய அமெரிக்க வெளியுறவுத் துறை அமைச்சர் ஜான் கெர்ரி, கியூபாவைச் சுருக்கமாகப் பாராட்டியிருக்கிறார். மேற்கு
ஆப்பிரிக்காவில் இப்போது முகாமிட்டுள்ள 550 அமெரிக்கத் துருப்புகள், மன்ரோவியாவில் பென்டகன் கட்டியிருக்கும் நவீன சிகிச்சை மையத் துக்கு கியூப மருத்துவர்களையும் மருத்துவக் குழுவினரையும் அழைத்துச் சென்று சிகிச்சை அளிக்க முன்வர வேண்டும்.
முன்னோடி சேவையாளர்கள்
கியூப மருத்துவர்கள் மேற்கு ஆப்பிரிக்காவில் இப்போது அளிக்கும் சேவை உலக அளவில் இந் நோய் பரவாமல் தடுக்கவும் நோயால் பாதிக் கப்பட்டவர்களைக் காப்பாற்றவும் உதவுவதை அங்கீகரிக்க வேண்டும். ஆனால், அமெரிக்க அதி காரிகளோ அலட்சியம் காட்டுகிறார்கள்.
2010-ல் ஹைதி நாட்டில் நிலநடுக்கம் ஏற்பட்ட பிறகு, காலராவால் பாதிக்கப்பட்டவர்களுக்கு சிகிச்சை அளிப்பதிலும் கியூப மருத்துவர்கள்தான் முன்னிலை வகித்தனர். அவர்களில் சிலருக்குக் காலரா தொற்றியது. இந்த நூற்றாண்டில் முதல் முறையாக கியூபாவில் அப்போதுதான் காலரா பரவியது. அதே போல எபோலாவும் கியூபாவில் ஏற்பட்டால் மேற்கத்திய நாடுகளுக்கு அது பரவும் வாய்ப்பு அதிகம்.
2005-ல் கத்ரினா புயல் தாக்கியபோது, நியூஆர்லியான்ஸுக்குச் சென்று உதவ கியூப மருத்துவர்களும் செவிலியர்களும் தயாராக இருந்தார்கள். அமெரிக்காதான் அந்த உதவியை ஏற்க மறுத்தது. ஆனால், எபோலா பீடித்த சியரா லியோன், லைபீரியா, கினி ஆகிய நாடுகளுக்குக் கியூபா மருத்துவர்களையும் செவிலியர்களையும் அனுப்பியிருக்கிறது என்பதைக் கேட்டதும் அமெரிக்க அதிகாரிகள் பரவசமடைந்தார்கள்.
பொருளாதாரத் தடை
உலக சுகாதார ஸ்தாபனத்தின் தொழில்நுட்ப உதவியோடு, கியூப அரசு 460 மருத்துவர்களுக்கும், செவிலியர்களுக்கும் எபோலா சிகிச்சையில் பயிற்சி அளித்தது. அவர்களில் 165 பேர் சியரா லியோன் போய் சேவையைத் தொடங்கிவிட்டனர். கியூப மருத்துவர்கள் துடிப்பானவர்கள், ஆப்பிரிக்க நாடுகளில் ஏற்கெனவே பணியாற்றிய அனுபவம் உள்ளவர்கள், துணிச்சலும் அர்ப்பணிப்பு உணர் வும் மிக்கவர்கள் என்று ஹவானாவில் உள்ள உலக சுகாதார ஸ்தாபனத்தின் பிரதிநிதி ஜோஸ் லூயி டி ஃபேபியோ தெரிவிக்கிறார். கியூபா மீது அமெரிக்கா விதித்துள்ள பொருளாதாரத் தடை காரணமாக கியூபாவிடம் நவீன மருத்துவக் கருவிகள் இல்லை. அவர்களுடைய மருந்தகங் களில் பல மருந்துகளும் இல்லை என்று டி ஃபேபியோ வருத்தப்படுகிறார்.
“மக்களின் உயிரைக் குடிக்கும் இந்தக் கொடூரமான நோயை எதிர்த்துப் போரிடுவதற் காகவாவது அமெரிக்கா, கியூபாவுடன் தற்காலிக மாக நெருங்கி ஒத்துழைக்க வேண்டும்” என்று மூத்த தலைவர் ஃபிடல் காஸ்ட்ரோவே வலியுறுத்தி யிருக்கிறார். அது நியாயமானதும்கூட.
தி நியூயார்க் டைம்ஸ்,
தமிழில்: சாரி

இலங்கையில் மண் சரிவு 8 சடலங்கள் மீட்கப்பட்டுள்ளதாக பொலிஸ் தகவல்கள் தெரிவிக்கின்றன.

 இலங்கையில் ஊவா மாகாணம் பதுளை மாவட்டத்திலுள்ள தோட்டக் குடியிருப்பு பகுதியொன்றில் இன்று காலை ஏற்பட்ட மண் சரிவு அனர்த்தின் போது 300க்கும் மேற்பட்டோர் மண்ணில் புதையுண்டிருக்கலாம் என உறவினர்களினால் அஞ்சப்படுகின்றது.
சுமார் 200 ஏக்கர் நிலப்பரப்புகளில் ஏற்பட்டுள்ள இந்த மண் சரிவில் புதையுண்டவர்களை மீட்பதற்கான மீட்பு பணிகளில் ஈடுபட்ட மீட்பு குழுவினரால் இன்று நண்பகல் வரை 8 சடலங்கள் மீட்கப்பட்டுள்ளதாக பொலிஸ் தகவல்கள் தெரிவிக்கின்றன.
பண்டாரவளை பிரதேசத்திலுள்ள கொஸ்லந்த பகுதியில் மீரியாபெத்த ஆற்று பள்ளத்தாக்குக்கு அண்மித்த ஏழு தோட்ட குடியிருப்பு(லயன்)களிலுள்ள 68 வீடுகளும் ஆலயமொன்றும் வேறு சில கட்டிடங்களும் மண் சரிவு காரணமாக புதையுண்டுள்ளதாக அங்கிருந்து கிடைக்கும் தகவல்கள் தெரிவிக்கின்றன.
தற்போது நிலவும் சீரற்ற கால நிலை காரணமாக அந்த பகுதியில் தற்போது மழை பெய்து வரும் நிலையில் மண் சரிவு அபாயம் குறித்து அனர்த்த முகாமைத்துவ மத்திய நிலையத்தினால் ஏற்கனவே குடியிருப்பாளர்களுக்கு அறிவிக்கப்பட்டு அவர்கள் பாதுகாப்பான இடங்களுக்கு செல்லுமாறும் வேண்டுகோள் விடுக்கப்பட்டிருந்தது.
பாதுகாப்பான இடங்களில் தங்கியிருந்தவர்கள் இன்று காலை தமது உடமைகளை எடுத்து வருவதற்காக சென்றிருந்த போதே இந்த மண்சரிவில் சிக்கிக் கொண்டதாக கூறப்படுகின்றது.
அந்த பகுதியில் வசித்த குடியிருப்பாளர்களில் அநேகமானோர் பாதுகாப்பான இடங்களுக்கு இடம் பெயர்ந்துள்ள நிலையில் புதையுண்டவர்கள் தொடர்பில் சரியான தகவல்களை தற்போதைக்கு கூற முடியாதிருப்பதாக பொலிஸார் குறிப்பிடுகின்றனர்.
புதையுண்டவர்களை மீட்கும் பணிகளில் பொலிஸாரும் இராணுவமும் விமானப்படையும் தற்போது ஈடுபட்டுள்ளன. நண்பகல் வரை 8 சடலங்களே மீட்கப்பட்டள்ளதாக பொலிஸ் தகவல்கள் மூலம் அறியமுடிகின்றது.

125 அடி சுரங்கம் தோண்டி வங்கியில் கோடிக்கணக்கில் கொள்ளை

அரியானாவில் 125 அடி தூர சுரங்கம் தோண்டி வங்கியில் கோடிக்கணக்கில் கொள்ளை அடிக்கப்பட்டது. இந்த துணிகர கொள்ளையில் ஈடுபட்டவர்கள் பற்றி துப்புக் கொடுத்தால் ரூ.10 லட்சம் பரிசு அளிக்கப்படும் என போலீசார் அறிவித்துள்ளனர். இதற்கிடையில் கொள்ளை குறித்து விசாரணை நடத்த பிரதமர் அலுவலகத்தில் இருந்து உயர் அதிகாரி விரைந்துள்ளார்.அரியானாவில் உள்ள சோனிபட் நகரில் பஞ்சாப் நேஷனல் வங்கி உள்ளது. இங்கு நேற்று முன்தினம் இரவு சுமார் 125 அடி தூரத்துக்கு தரைக்கு அடியில் சுரங்க பாதை தோண்டி அந்த வழியாக வந்த கொள்ளையர்கள் வங்கியில் இருந்த லாக்கர்களை உடைத்து பல கோடி ரூபாய் - மதிப்புள்ள பணம் மற்றும் நகைகளை கொள்ளையடித்து சென்றனர். நேற்று கொள்ளை சம்பவம் தெரியவந்ததும் அதிகாரிகளும், வாடிக்கையாளர்களும் கடும் அதிர்ச்சி அடைந்தனர். ஹாலிவுட் பட பாணியில், அருகில் இருந்த பாழடைந்த வீட்டின் உட்புறத்தில் இருந்து வங்கி வரை சுரங்கம் தோண்டி பணம் கொள்ளையடிக்கப்பட்ட சம்பவம் அரியானா போலீசாரை அதிர்ச்சியில் ஆழ்த்திஉள்ளது.

அரியானா காவல்துறை உயர் அதிகாரிகள் சம்பவ இடத்துக்கு சென்று விசாரணை நடத்தி வருகின்றனர். இதுகுறித்து டிஜிபி கூறுகையில், கொள்ளையர்கள் அருகில் உள்ள வீட்டில் இருந்து 125 அடி தூரத்துக்கு 2.5 அடி அகலமுள்ள சுரங்க பாதையை தோண்டி 80 லாக்கர்களை உடைத்து கொள்ளையடித்துள்ளனர். இதில் ரூ.40 லட்சம் ரொக்க பணம் மற்றும் பல கோடி ரூபாய் மதிப்புள்ள நகைகள் கொள்ளை போயுள்ளது. இந்த சம்பவத்தில் ஒன்றுக்கும் மேற்பட்ட நபர்கள் ஈடுபட்டுள்ளதும் தெரிகிறது. இதுகுறித்து விசாரணை நடைபெற்று வருகிறது என்றார். கொள்ளையர் பற்றி துப்பு கொடுப்பவர்களுக்கு ரூ.10 லட்சம் பரிசு வழங்கப்படும் என போலீசார் அறிவித்துள்ளனர்.இதற்கிடையில், இந்த கொள்ளை சம்பவம் தொடர்பாக நேரில் விசாரணை நடத்துவதற்காக  பிரதமர் அலுவலகத்தில் இருந்து உயர் அதிகாரி ஒருவர் அனுப்பப்பட்டுள்ளார். கொள்ளை குறித்து விசாரணை நடத்தி பிரதமரிடம் விரிவாக அறிக்கை தாக்கல் செய்வார் என பிரதமர் அலுவலக வட்டாரங்கள் தெரிவித்துள்ளன.

தமிழ் தேசியத்தின் பெயரால்,மே 17 இயக்கத்திடம், தமிழ் மக்களின் 17 கேள்விகள்

உலகில் யாரை "தமிழ் தேசியவாதி, தமிழ் உணர்வாளர்" என்று அழைத்தாலும், அது தங்களை மட்டுமே குறிக்கும் என்று மே 17 இயக்கத்தினர் நினைக்கிறார்கள் போலிருக்கிறது. தமிழ் தேசியத்தின் பெயரால், சுப்பிரமணிய சாமியை எதிர்ப்பதாக நாடகமாடிக் கொண்டே, சு.சாமி அங்கம் வகிக்கும் பாஜக வை ஆதரிக்கும் இரட்டை வேடம் பற்றி ஒரு கட்டுரை எழுதி இருந்தேன். (யார் இந்த சுப்பிரமணிய சாமி? ஒரு சி.ஐ.ஏ. ஆசாமி! http://kalaiy.blogspot.nl/2014/10/blog-post_27.html) 

முகநூலில், Rathish Kumar எனும் ஒரு மே 17 ஆதரவாளர் (அல்லது உறுப்பினர்), பொங்கி எழுந்து பொரி கடலை சாப்பிட்டுக் கொண்டே, என்னை திட்டி எழுதி பதிவிட்டிருக்கிறார். என்னைப் போன்ற "போலி கம்யூனிஸ்டுகளின்" தொல்லையை தாங்க முடியாத "அசல் கம்யூனிஸ்டான" Rathish Kumar, நான் மே 17 பற்றி பொய்யான குற்றச்சாட்டுகளை கூறுவதாக சீறியிருக்கிறார். கூடவே என்னிடம் ஒரு வேண்டுகோளையும் விடுக்கிறார். அது பின்வருமாறு:

 //ஈழப்போரின் இறுதியில் முளைத்த இந்த இயக்கங்கள் முளைக்காமல் இருக்க சில செயல்களையாவது செய்திருக்க வேண்டாமா? கம்யூனிஸ்ட் சித்தாந்தங்களை கொண்ட லத்தீன் அமெரிக்க நாடுகளிடம் இவர்கள் எந்த விதமான தொடர்பையும் ஏற்படுத்தி, தேச விடுதலையின் நியாயத்தை எடுத்துரைத்தது கிடையாது. குறைந்தபட்சம் இந்திய கம்யூனிஸ்ட் களின் நிலைபாட்டையாவது மாற்றியிருக்கலாம்.//

லத்தீன் அமெரிக்க நாடுகளில், கம்யூனிச சித்தாந்தம் கொண்ட நாடு கியூபாவைத் தவிர வேறெதுவும் கிடையாது. வெனிசுவேலா, பொலிவியா போன்றவை ஜனநாயக நாடுகள். ஆளும் கட்சிக்கும் கம்யூனிச சித்தாந்தத்திற்கும் சம்பந்தம் கிடையாது. அவை மேற்கு ஐரோப்பாவில் இருப்பது போன்று, மக்கள் நலன்புரி அரசுக்களை உருவாக்கி உள்ளன.

மே 17 ஆர்வலர்களின் அரைவேக்காட்டு அறிவின் அடிப்படையில், சில மேற்கு ஐரோப்பிய, குறிப்பாக ஸ்காண்டிநேவிய நாடுகளையும், "கம்யூனிச சித்தாந்தம் கொண்ட நாடுகள்" என்று அழைக்கலாம்.

இந்தியாவிலும், இலங்கையிலும் உள்ள "கம்யூனிஸ்ட்" கட்சிகள், தேர்தல்களில் போட்டியிடுவதை மட்டுமே குறிக்கோளாக கொண்டுள்ளன. அவற்றை பிற முதலாளித்துவக் கட்சிகளில் ஒன்றாகத் தான் கருதலாம். "போலிக் கம்யூனிஸ்ட்" என்றால் யார் என்று கேட்டால், அத்தகைய பாராளுமன்ற கம்யூனிஸ்ட் கட்சிகளை சுட்டிக் காட்டலாம்.

அதே நேரம், தமிழ் நாட்டில் மே 17 இயக்கம் தோன்றுவதற்கு முன்னரே, இந்திய கம்யூனிஸ்ட் கட்சி (அது ஒரு போலிக் கம்யூனிஸ்ட் கட்சி என்பது குறிப்பிடத் தக்கது.) வன்னியில் நடந்த இனப்படுகொலைக்கு எதிராக குரல் கொடுத்து ஆர்ப்பாட்டங்களை ஒழுங்கு படுத்தி இருந்தது. தேர்தலில் போட்டியிடாத கம்யூனிஸ்ட் கட்சிகள், இயக்கங்கள் பல, ஈழத் தமிழர் ஆதரவு பேரணிகளிலும், போராட்டங்களிலும் கலந்து கொண்டன. தாமாகவே முன்வந்து மக்கள் மத்தியில் விழிப்புணர்வு ஏற்படுத்தும் பிரச்சாரங்களை செய்தன.

இந்த உண்மையை மூடி மறைத்து விட்டு, "கம்யூனிஸ்டுகள் ஈழ விடுதலைக்கு ஒரு துரும்பைத் தானும் தூக்கிப் போடவில்லை" என்று பொய்யுரைப்பது ஏன்? அங்கே தான், மே 17 இயக்கத்தின் போலித் தமிழ் தேசிய அரசியல் பல்லிளிக்கிறது. அது வெறும் மேட்டுக்குடி வர்க்க அரசியல், தமிழ் தேசியம் அல்ல.

தமிழ்நாட்டில் நடந்த ஈழ ஆதரவு போராட்டத்தின் இடை நடுவில் புகுந்த மே 17 இயக்கத்தினர், அதனை வலதுசாரி சார்பானதாக மாற்றும் அயோக்கியத்தனத்தை செய்தனர்.

இப்போதும் செய்து கொண்டிருக்கிறார்கள். மேட்டுக்குடி அரசியலால் வழிநடத்தப் படும் மே 17 இயக்கம், இடதுசாரியம், கம்யூனிசம் போன்ற சொற்களைக் கேட்டாலே அலறித் துடிப்பது எதிர்பார்க்கத் தக்கதே. தமிழ் தேசியம் பேசினாலும், வர்க்கக் குணாம்சம் மாறுமா?

மே 17 தோன்றுவதற்கு பல வருடங்களுக்கு முன்பிருந்தே, தமிழ் தேசியப் "பொதுவுடைமைக்" கட்சி என்றொரு சுத்த தமிழினவாத அமைப்பு தீவிரமாக செயற்பட்டு வந்தது. முழுக்க முழுக்க தமிழ் தேசியவாதம் அல்லது தமிழ் இனவாதம் பேசிக் கொண்டே, கட்சியின் பெயரில் "பொதுவுடைமை" என்று வைத்துக் கொள்பவர்கள், "போலிக் கம்யூனிஸ்டுகள்" என்பதற்கு மிகச் சிறந்த உதாரணம்.

மே 17 ஆர்வலர்கள், முதலில் "அசல், போலி" என்ற சொற்களிற்கு அர்த்தத்தை தேடி அறிந்து கொள்வது நல்லது. அரசியல் கலைச் சொற்களுக்கு அர்த்தம் தெரியாமல் கட்சி நடத்துவதால், மக்களுக்கு எந்த நன்மையும் உண்டாகப் போவதில்லை.

மே 17 ஆர்வலர்கள், மற்றவர்களை "போலிக் கம்யூனிஸ்டுகள்" என்று கூறுகின்றனர் என்றால், அவர்கள் ஒன்றில் "அசல் கம்யூனிஸ்டுகளாக" இருக்க வேண்டும், அல்லது கம்யூனிசத்தை கரைத்துக் குடித்தவர்களாக இருக்க வேண்டும். இந்த விடயம் எனக்குத் தெரியாமல், மே 17 ஒரு தமிழ் தேசியவாத இயக்கம் என்று கூறியிருந்தால், அது ஒரு "பொய்யான குற்றச்சாட்டு" தான்.

"மே 17 ஒரு தமிழ் தேசிய இயக்கம் அல்ல. அது தமிழ்நாட்டிலும், தமிழீழத்திலும் சோஷலிசத்தை நடைமுறைப் படுத்துவதற்காக உருவான, கம்யூனிஸ்ட் சித்தாந்த இயக்கம்(?)" என்றே நினைத்துக் கொள்வோம். அதனால் தான், "கம்யூனிஸ்ட் சித்தாந்தங்களை கொண்ட லத்தீன் அமெரிக்க நாடுகளிடம் தொடர்பு ஏற்படுத்தி தேச விடுதலையின் நியாயத்தை எடுத்துரைத்தீர்களா?" என்று தைரியமாகக் கேட்கிறார்.

அதாவது, மே 17 இயக்கத் தலைவர் திருமுருகன் காந்தியை, "தமிழர்களின் பிடல் காஸ்ட்ரோ அல்லது ஹியூகோ சாவேஸ்" என்றெல்லாம் புகழாதது எங்களது தவறு தான். "தமிழ் நாட்டையும், தமிழீழத்தையும் கம்யூனிஸ்ட் நாடுகளாக மாற்ற விரும்பும்" மே 17 போன்ற அசல் கம்யூனிச இயக்கங்கள் குறித்து, லத்தீன் அமெரிக்க கம்யூனிஸ்டுகளிடம் எடுத்துரைக்காதது எங்களது தவறு தான். ஐயகோ... நாங்கள் எத்தனை பெரிய தவறிழைத்து விட்டோம்! பொறுத்தருள்வீர் ஐயன்மீர்!

மீண்டும் அந்தத் தவறு நடக்கக் கூடாது என்றால், மே 17 இயக்கத்தினர் தமது அரசியல் நிலைப்பாடுகளை எமக்கு தெளிவாக எடுத்துக் கூறினால் நல்லது. அதனால், மே 17 இயக்கத்தினரிடம், பகிரங்கமாக 17 கேள்விகளை வைக்கிறேன். இங்கேயுள்ள 17 கேள்விகளுக்கான பதில்களை, மே 17 தலைவர் திருமுருகன் காந்தியோ, அல்லது யாராவது ஒரு மே 17 இயக்க உறுப்பினரோ கொடுப்பார் என்று எதிர்பார்த்துக் காத்திருக்கிறேன். தமிழ் மக்களும் ஆவலுடன் காத்திருக்கிறார்கள்:

1. தமிழ் நாடு/தமிழீழத்தில் மே 17 ஆட்சி அதிகாரத்தைக் கைப்பற்றினால், எத்தனை வருடங்களில் சோஷலிசத்தை கொண்டு வருவார்கள்? ஐந்து அல்லது பத்து வருடங்களில் என்னென்ன செய்ய வேண்டும் என்ற பொருளாதார நகல் திட்டம் கைவசம் இருக்கிறதா?

2. தமிழ் முதலாளிகள் முன்னரைப் போன்று இயங்க சுதந்திரம் இருக்குமா? அல்லது அவர்களின் செயற்பாடுகளுக்கு கட்டுப்பாடுகள் விதிக்கப் படுமா? சொத்துக்களுக்கு அதிகளவு வரி அறவிடப் படுமா? முதலாளிகள் உழைக்கும் வர்க்க மக்களின் எதிரிகள் என்ற கொள்கை தமிழ்நாடு/தமிழீழ அரசினால் கடைப் பிடிக்கப் படுமா?

3. சோஷலிச சீர்திருத்தங்களை எதிர்ப்பவர்கள், சமூகத்தில் எந்தளவு உயர்ந்த அந்தஸ்தில் இருந்தாலும், சிறைக்குள் தள்ளப் படுவார்களா? ஊழல் பேர்வழிகள், கந்துவட்டிக்காரர்கள், நிலவுடமையாளர்கள், பண்ணையாளர்கள், முதலாளிகள் போன்றோர், இதுவரை காலமும் செய்த குற்றங்கள், மக்கள் நீதிமன்றங்களில் விசாரிக்கப் படுமா?

4. கூலித் தொழிலாளியாக இருந்தாலும், பட்டதாரியாக இருந்தாலும், சம்பளத்தில் அதிக வித்தியாசம் இல்லாமல் பார்த்துக் கொள்ளப் படுமா? சம்பள உச்சவரம்பு நிர்ணயிக்கப் படுமா?

5. சாதாரண அடித்தட்டு தொழிலாளர்களுக்கும் குறைந்த பட்ச சம்பளம் நிர்ணயிக்கப் படுமா? அந்தத் தொகை வாழ்க்கைச் செலவுகளை ஈடு கட்டுவதாக இருக்குமா? நாட்டில் உள்ள அனைத்து தொழிற்துறைகளிலும் தொழிற்சங்கங்கள் இயங்க அனுமதிக்கப் படுமா? பெண்களுக்கு சரி சமமான ஊதியம் வழங்கப் படுமா?

6. நில உச்சவரம்பு சட்டம் கொண்டு வந்து, நிலவுடமையாளர்களின் அளவுக்கதிகமான நிலங்கள் பறிமுதல் செய்யப் படுமா? அவை நிலமற்ற விவசாயிகளுக்கு பகிர்ந்தளிக்கப் படுமா?

7. தமிழ்நாடு/தமிழீழத்தின் பெரிய வர்த்தக நிறுவனங்கள் நாட்டுடைமை ஆக்கப் படுமா? தொழிற்சாலைகளை தொழிலாளர்களே நிர்வகிக்கும் ஜனநாயக அமைப்பு உருவாக்கப் படுமா?

8. அந்நிய நாட்டு கடனுதவிகள் இரத்து செய்யப் படுமா? உலகவங்கி, IMF ஆகிய சர்வதேச நிதி நிறுவனங்களின் ஆலோசனைகள் ஏற்றுக் கொள்ளப் படுமா, அல்லது நிராகரிக்கப் படுமா? அந்நிய நாட்டு முதலீடுகள் வரவேற்கப் படுமா அல்லது ஒரேயடியாக தடுக்கப் படுமா?

9. தமிழ் நாடு/தமிழீழத்தில் வாழும் அனைத்து பிரஜைகளுக்கும் வேலை வாய்ப்புகள் உருவாக்கப் படுமா? வேலையற்றோர் யாருமில்லை என்ற நிலை வருமா?

10. பெண் தொழிலாளர்களுக்கு மகப்பேற்றுக் காலத்திலும் சம்பளம் தொடர்ந்து கிடைக்குமா? வரதட்சனை கொடுப்பவர்கள், வாங்குபவர்களுக்கு சிறைத் தண்டனை கிடைக்குமா?

11. அனைவருக்கும் அறுவைச் சிகிச்சை வரையில் இலவச மருத்துவ வசதி கிடைக்குமா?

12. அனைவருக்கும் பல்கலைக்கழகம் வரையில் இலவசக் கல்வி கிடைக்குமா?

13. சேரியில் வாழ்பவர்களுக்கும், வீடில்லாதவர்களுக்கும் அரசு செலவில் அடுக்கு மாடிக் குடியிருப்புகள் கட்டிக் கொடுக்கப் படுமா?

14. சாதி/மத பேதம் பார்ப்பது கிரிமினல் குற்றமாக கருதப் பட்டு, மீறுவோர் சட்டத்தால் கடுமையாக தண்டிக்கப் படுவார்களா? சாதி/மத மறுப்பு செய்து கொள்ளும் தம்பதியினருக்கு அரசு சலுகைகளை அள்ளிக் கொடுத்து, அவர்களது வாழ்க்கை வசதிகளை உயர்த்துமா?

15. அமெரிக்கா போன்ற ஏகாதிபத்திய நாடுகளுடனான சர்வதேச தொடர்புகள் தொடர்ந்தும் பேணப் படுமா அல்லது படிப்படியாக துண்டிக்கப் படுமா?

16. சுதந்திர தமிழ் நாடு/தமிழீழம், ஈரான், ரஷ்யா போன்ற அமெரிக்க எதிர்ப்பு நாடுகளையும் தனது புதிய நண்பர்களாக ஏற்றுக் கொள்ளுமா? வட கொரியா, கியூபா, வெனிசுவேலா, பொலிவியா போன்ற நாடுகளுடன் தமிழ் நாடு/தமிழீழம் இராஜதந்திர உறவுகளை ஏற்படுத்திக் கொள்ளுமா?

17. தமிழ் மக்களுடன் "மிகவும் நெருக்கமாக இருக்கும்" மே 17 இயக்கத்தினர், தமிழ் தேச விடுதலை பெற்றுக் கொண்டால், மேற்குறிப்பிட்ட திட்டங்களை நடைமுறைப் படுத்தப் போவதாக, இப்போதே பகிரங்கமாக அறிவிக்க முடியுமா?        ....                               நன்றி.கலைய‌கம்

ஒளிப்பதிவாளர் அசோக்குமாரின் கடைசி பயணம் ஒரு சினிமாகாரர்கள் கூட இல்லை

இதுதான் நிஜம் என்று இன்று உச்சத்தில் இருக்கும் சினிமா பிரபலங்களுக்கு புரிய வேண்டும்.

லைம் லைட்டில் இருக்கும் வரை தான் உங்கள் முகம் சக சினிமாகாரனுக்கு நினைவில் இருக்கும்.

இந்த வாரம் மரணம் அடைந்த தேசிய விருது பெற்ற ஒளிப்பதிவாளர் அசோக்குமாரின் கடைசி பயணம்.
இதில் ஒரு சினிமாகாரர்கள் கூட இல்லை என்பது நிதர்சனம்.
வெட்கம் கெட்டவர்கள்.கலைக்கு செய்யும் மரியாதை இதுதானா?
கடைசி காலத்தில் தன்னந்தனியே அடையாளம் கூடத் தெரியாமல் ரயில்வே ஸ்டேஷனில் இறங்கி நடந்த பாகவதர் நினைவில் வந்தார்.
தன் படங்களுக்கு பணியாற்றிய சக கிரியேட்டரை கடைசியில் பார்க்க கூட இயக்குனர் மகேந்திரனாவது வந்திருக்கலாம்.இதுதான் நிஜம் என்று இன்று உச்சத்தில் இருக்கும் சினிமா பிரபலங்களுக்கு புரிய வேண்டும்.லைம் லைட்டில் இருக்கும் வரை தான் உங்கள் முகம் சக சினிமாகாரனுக்கு நினைவில் இருக்கும்.ரஜினிக்கு பெயர் வாங்கித் தந்த ஜானி திரைப் படத்தின் ஒளிப்பதிவாளர் அசோக் ஜி தான்.அதில் அழகாக காட்டினர் ரஜினியை.காலேஜ் ரோட்டில் இருக்கும் ஒரு ஶூடிங்க் ஹவுஸில் ஜானி படத்தின் போதுதான் முதன் முதலில் எனக்கு ரஜினியை அறிமுகப் படுத்தினார் யார் கண்ணன்.ரஜினிக்கு செய்தி கிடைக்கவில்லை போல் இருக்கிறது.

கூகுள் நிறுவனத்தின் சுந்தர் பிச்சையின் வளர்ச்சி குறித்துத் தமிழர்கள் பெருமிதம் கொள்ளலாம்.

கூகுள் நிறுவனத்தின் பல்வேறு பிரிவுகளின் பொறுப்பாளராகத் தமிழரான சுந்தர் பிச்சை  (Sundar Pichai) நியமிக்கப்பட்டுள்ளார். கூகுளின் தலைமைச் செயல் அதிகாரி லார்ரி பேஜ்ஜிடமிருந்த (Larry Page) கூகுளின் தேடல் (Search), மேப்ஸ், கூகுள் பிளஸ், ஆய்வு, விளம்பரம் மற்றும் கட்டமைப்பு (Google search, research, Google maps, commerce, ads, infrastructure, and Google+) ஆகிய பிரிவுகளை இனி சுந்தர் பிச்சை நிர்வகிப்பார். இவற்றுள் தேடல் மற்றும் விளம்பரம் ஆகியவை, கூகுளின் வருவாயில் பெரும் பங்கு வகிப்பவை என்பது குறிப்பிடத்தக்கது. இதன் மூலம் கூகுள் நிறுவனத்தில் லார்ரி பேஜ்ஜூக்கு அடுத்த இடத்திற்குப் பிச்சை முன்னேறியுள்ளார்.

 

சென்னையைச் சேர்ந்த பிச்சை சுந்தர்ராஜன் (42), சுந்தர் பிச்சை எனப் பரவலாக அழைக்கப்பெறுபவர். மேற்கு வங்கத்தில் உள்ள ஐஐடி கோரக்பூரில் தொழில்நுட்பத்தில் இளங்கலைப் பட்டம் பெற்ற பிச்சை, ஸ்டான்போர்ட் பல்கலைக்கழகத்தில் முதுகலைப் பட்டமும் (எம்.எஸ்.) பென்சில்வேனியாவின் வார்டன் பள்ளியில் வணிகத்தில் முதுகலைப் பட்டமும் (எம்.பி.ஏ.) பெற்றவர். 

 

கூகுளில் 2004ஆம் ஆண்டு பணிக்குச் சேர்ந்த இவர், முதலில் கூகுள் ஆப்ஸில் கவனம் செலுத்தினார். அதன் பிறகு குரோம் வலை உலாவிக்கான பொறுப்பை ஏற்றார். 2013ஆம் ஆண்டு, ஆண்ட்ராய்டு பிரிவுக்குப் பொறுப்பாளர் ஆனார். ஸ்மார்ட்போன்களின் சந்தையில் ஆண்ட்ராய்டு, முதன்மை இடத்தைப் பிடிப்பதற்குக் காரணமாக இருந்தார். இதன் தொடர்ச்சியாக, கூகுளின் மேப்ஸ், கூகுள் பிளஸ், ஆய்வு, விளம்பரம் மற்றும் கட்டமைப்பு ஆகிய பிரிவுகளும் பிச்சையின் கட்டுப்பாட்டில் வந்துள்ளன. இந்தப் பிரிவுகளில் பணியாற்றும் ஊழியர்கள், இனி பிச்சையின் கீழ் பணியாற்றுவார்கள்.

 

இப்பொறுப்புகளில் இருந்து விடுபட்டுள்ள லார்ரி பேஜ், கூகுளின் வர்த்தகம், செயல்பாடு, கூகுள் எக்ஸ், நிர்வாக மேம்பாடு, சட்டம், நிதி மற்றும் வர்த்தகம் போன்றவற்றில் மட்டும் கவனம் செலுத்த உள்ளார். கூகுளின் யூடியூப், தொடர்ந்து லார்ரி பேஜ்ஜின் கட்டுப்பாட்டிலேயே இருக்கும். கூகுளை அடுத்த கட்டத்துக்குக் கொண்டு செல்ல லார்ரி பேஜ் முழு நேரத்தையும் செலவிட இந்த மாற்றங்கள் உதவும் எனக் கூகுள் செய்தித் தொடர்பாளர் தெரிவித்துள்ளார். 

 

சுந்தர் பிச்சை, தலைமைச் செயல் அதிகாரி பொறுப்புக்குத் தகுதியானவராக, இதே துறையில் உள்ள பலராலும் கணிக்கப்படுகிறார். 

 

மைக்ரோசாப்ட் நிறுவனத்தின் தலைமைச் செயல் அதிகாரி பொறுப்பிலிருந்து ஸ்டீவ் பால்மர் விலகியபோது, அந்தப் பொறுப்பக்குச் சுந்தர் பிச்சை நியமிக்கப்படக் கூடும் என முன்பு ஒரு வதந்தி நிலவியது. ட்விட்டர் நிறுவனமும் சுந்தர் பிச்சையை நெருங்கியதாக அந்த வதந்தி விரிந்தது. ஆனால், கூகுளிடமிருந்து பல மில்லியன் டாலரை லாயல்டி ஊக்கத் தொகையாகப் பெற்றுக்கொண்ட பின், சுந்தர் பிச்சை கூகுள் நிறுவனத்திலேயே தொடர முடிவு செய்தார் என்றும் அச்செய்தியில் கூறப்பட்டிருந்தது.

"சுந்தர் பிச்சை, உலகின் பெரும்பாலான செல்பேசிகளின் மென்பொருளை (ஆண்ட்ராய்டு) ஆளுகின்றார். பெரும்பாலான இணைய உலாவிகளையும் (கிரோம் பிரவுசர்) ஆளுகின்றார். உலகில் பெரும்பாலானோர் இணையத்தில் தகவல் தேடுவது எப்படி (கூகுள் தேடல்) என்பதையும் விரல் நுனியில் வைத்துள்ளார். இதன் மூலம் டிஜிட்டல் உலகின் நம்பர் ஒன் மனிதர் ஆகிவிட்டார்" என்று விஷ்வக் சொல்யூசன்ஸ் நிறுவனத்தின் தலைமைச் செயல் அதிகாரி தி.ந.ச.வெங்கடரங்கன், வெப்துனியாவிடம் தெரிவித்தார்.

 

சுந்தர் பிச்சையின் வளர்ச்சி குறித்துத் தமிழர்கள் பெருமிதம் கொள்ளலாம்.

2015ம் ஆண்டுக்கான வரவு-செலவுத்திட்டத்தை சுமார் மூன்று மணிநேரம் இடைவிடாது வாசித்த ;மஹிந்த ராஜபக்ஷ

ஜனாதிபதி மஹிந்த ராஜபக்ஷவினால் (ஒக். 24) பிற்பகல் 2015ம் ஆண்டுக்கான வரவு செலவுத் திட்டம் பாராளுமன்றத்தில் சமர்ப்பிக்கப்படுகிறது. நிதி அமைச்சர் என்ற வகையில் ஜனாதிபதி மஹிந்த ராஜபக்ஷவினால் முன்வைக்கப்படும் 10 ஆவது வரவு செலவுத்திட்டம் இதுவாகும். வரவு-செலவுத்திட்டத்தை சுமார் மூன்று மணிநேரம் இடைவிடாது வாசித்த ஜனாதிபதி, மாலை 4.32க்கு உரையை நிறைவுசெய்துவிட்டு எதிரணியை பார்த்து அதன் நேரலை ஒளிபரப்பு .

கடந்தாண்டு கணவரின் பெற்றோருடன் ஏற்பட்டிருந்த வாழ்க்கை போராட்டம் மனைவி இரண்டு பிள்ளைகளுடன் விஷம் அருந்தி தற்கொலை

கணவரின் பெற்றோரின் வீட்டில் வசித்து வந்த இளம் தாய் ஒருவர், தனது இரண்டு பிள்ளைகளுடன் விஷம் அருந்தி தற்கொலை செய்து கொண்டுள்ளார்.

கணவரின் பெற்றோருடன் ஏற்பட்டிருந்த வாழ்க்கை போராட்டம் காரணமாக இந்த சம்பவம் நடந்துள்ளது.

34 வயதான ஹெனா சோலங்கி(Heena Solanki) என்ற இந்த இளம் தாய் மேற்கு லண்டனில் ரஷ்லிப்(Ruislip) என்ற இடத்தில் உள்ள அவர்களின் வீட்டில், கடந்தாண்டு தனது 9 வயதான ஜெஸ்மின்(Jasmine) மற்றும் 4 வயதான பிரிஷா(Prisha) ஆகிய குழந்தைகளுடன் படுக்கையில் இறந்து கிடந்துள்ளார்.

பொலிஸார் மற்றும் மருத்துவ உதவியாளர்கள் சென்று பார்வையிட்ட போது நச்சு புகைக்காணப்பட்டுள்ளது.

எனினும் தனது மனைவியின் இந்த செயல் தனக்கு ஆச்சரியமளிப்பதாக பெண்ணின் கணவரான கல்பேஷ் சோலங்கி(Kalpesh Solanki) தெரிவித்துள்ளார்.

மேலும் அவர், ஹெனா இறப்பதற்கு முன்னர் சந்தோஷமாக வாழ்ந்ததாகவே தான் எண்ணியதாகவும், ஜெஸ்மின் மற்றும் பிரிஷா ஆகிய தமது பிள்ளைகளுடன் நல்ல முறையில் வாழ்ந்து வந்ததாகவும் குறிப்பிட்டுள்ளார்.

எனது பெற்றோருடன் நாங்கள் வசித்து வந்ததால் மனைவி மகிழ்ச்சியற்று இருந்திருக்கலாம் என நான் எண்ணுகிறேன்.

நாங்கள் பெற்றோரின் வீட்டில் இருந்து சென்று வெளியில் குடியிருக்க முடிவு செய்திருந்தோம். ஆனால் அதனை நாங்கள் பெற்றோரிடம் கூறவில்லை எனவும் கல்பேஷ் சோலங்கி குறிப்பிட்டுள்ளார்.

அதேவேளை ஹெனாவுக்கு அவரது மாமனாரிடம் இருந்து பிரச்சினைகள் இருந்தாகவும் அவரது நண்பி ஒருவர் கூறியுள்ளார்.

மேலும், ஒருமுறை தனக்குள்ள பிரச்சினைகள் பற்றி தன்னிடம் கூறி அழுததாகவும், தனது பிள்ளைகளுடன் இந்தியாவிற்கு சென்று வாழ வேண்டும் எனக் கூறுவார் என்றும் தெரிவித்துள்ளார்.

அதேவேளை இந்த மரணம் குறித்து விசாரணைகளை நடத்திய மேட்ரோபொலிட்டன் பொலிஸார், இந்த சம்பவத்தில் மூன்றாம் தரப்பு சம்பந்தப்பட்டுள்ளதாக கடந்த ஆண்டு ஏப்ரல் மாதம் 12 ஆம் திகதி வெளியிட்ட அறிக்கையில் தெரிவித்திருந்தனர்.

மரணம் சம்பவம் இடம்பெற்ற இடத்தில் இருந்து கிடைந்த தற்கொலைக்கான குறிப்புகள் எதுவும் நீதிமன்றத்தில் தாக்கல் செய்யப்படவில்லை.

பிரேத பரிசோதனை அறிக்கையில் போதைப் பொருள் காரணமாக மூன்று இந்த இறப்புகள் ஏற்பட்டுள்ளதாக கூறப்பட்டுள்ளது.

ஹெனா சோலங்கி தனது சொந்த வாழ்க்கையை முடித்து கொண்டாலும் ஜெஸ்மின் மற்றும் பிரிஷா ஆகிய பிள்ளைகள் சட்டவிரோதமாக கொல்லப்பட்டுள்ளனர்.

இரண்டு பிள்ளைகளும் சிறந்த தேக ஆரோக்கியத்தை கொண்ட மகிழ்ச்சியான பிள்ளைகள் என அவர்கள் படித்த பாடசாலையின் அறிக்கையில் தெரிவிக்கப்பட்டுள்ளது.

வீட்டில் பிரச்சினைகள் இருந்தாலும் அதனை வெளிக்காட்டாது இந்த பிள்ளைகள் மகிழ்ச்சியாக இருந்துள்ளனர் எனவும் அதில் தெரிவிக்கப்பட்டுள்ளது.

இலங்கையின் மிகச்சிறந்த நூல் நிலையத்துக்கான விருது மட்/பேத்தாழை நூலகம் தெரிவாகியுள்ளது.

இலங்கையின் மிகச்சிறந்த நூல்  நிலையத்துக்கான விருதுக்காக   மட்/பேத்தாழை நூலகம்  தெரிவாகியுள்ளது. அதன்படி இலங்கையின் பிரதேசசபைகளால் நடத்தப்படும் நூலகங்களுள் முதன்மையானதாக செயல்படும் நூலகங்களுக்கு  வழங்கப்பட்டுவரும்  சுவர்ண புரவர விருது இந்நூலகத்துக்கு கிடைத்துள்ளது. 2013ம் ஆண்டுக்கான தனது திறமையான சேவைக்காகவே இவ்விருது வழங்கப்படுகின்றது.

மேற்படி நூலகம் கடந்த கிழக்கு மாகாண சபையின் ஆட்சிக்காலத்தில் முன்னாள் முதல்வர் சந்திரகாந்தனின் அமைச்சின் கீழ் உருவாக்கப்பட்டது. இந்த நூல் நிலையமானது சிறந்த இலக்கிய, வரலாற்று,அரசியல்,  நூல்களை கொண்டு வாசகர்களுக்கு மிகச்சிறந்த சேவையை ஆற்றிவருகின்றமை குறிப்பிடத்தக்கதாகும்.

ஆசியாவுக்கான புதிய வங்கி பெய்ஜிங்கில் ஒப்பந்தம் கையெழுத்தானது

சீனாவும் வேறு 21 ஆசிய நாடுகளும் ஒன்றாக சேர்ந்து ஆசியாவுக்கான புதிய வங்கி ஒன்றை உருவாக்க சம்மதித்துள்ளனர். ஆசிய உட்கட்டமைப்பு முதலீட்டு வங்கி என்ற இந்த வங்கியை ஆரம்பிப்பதற்கான ஒப்பந்தம் பெய்ஜிங்கின் மக்கள் மாமன்றத்தில் நடந்த ஒரு வைபவத்தில் கையெழுத்தாகியது.

சைந்தியா, கத்தார் ஆகிய நாடுகளும் இந்த ஒப்பந்தத்தில் கையொப்பமிட்டுள்ளன.

போக்குவரத்து, எரிசக்தி மற்றும் தொலைதொடர்பு அபிவிருத்தித் திட்டங்களுக்கான நிதியைஆசியாவின் வறிய நாடுகளுக்கு பெற்றுக்கொடுப்பது இந்த வங்கியின் நோக்கம்.

இந்த வங்கித் திட்டத்தில் சேர வேண்டாம் என்று அமெரிக்கா அறிவுறுத்தியிருந்தது என்பதால், அதன் நெருங்கிய தோழமை நாடுகளான தென்கொரியாவும் ஆஸ்திரேலியாவும் இந்த ஒப்பந்தத்தில் சேரவில்லை.

இலங்கையில் அசுர மனிதர்கள் மக்கள் மாளிகையிள் தீபவளி கொண்டாட்டம்

தீபாவளி தினத்தில் அலரிமாளிகையில் (மக்கள் மாளிகையிள்)கொண்டாட்டம்  தலைவா எங்கள் இனப் பெண்களின் பொட்டழித்தவரே உங்களுக்கு ஆலாத்தி எடுத்து பொட்டுவைத்து ஆசீர்வதிக்குறோம். முள்ளி வாய்க்காலில் மூழ்கடித்த எங்கள் ஆன்மாக்களின் நினைவாக பொன்னாடை போர்த்தி மகிழ்கிறேன் தலைவா..எங்கள் மக்களை வறுத்தெடுக்க எங்கள் தலைவர்களுடன் என்றும் துணை நிற்போம் என உறுதி கூறி

போர்த்துகிறேன் பொன்னாடை....
ஐநா என்ன உலகமே உங்களை இன அழிப்பாழி என்று சொன்னாலும் உங்களை ஆசீர்வதிக்க எங்கள் தலைவர்கள் அருகிருக்க உங்களை ஆசீர்வதிக்க நாமிருக்க பயமேன்?

உலகின் மூன்றில் ஒரு பங்கினர் அமெரிக்க சிறைகளில் பெண் கைதிகள்

உலக பெண் சிறைக் கைதிகளில் சுமார் மூன்றில் ஒரு பங்கினர் அமெரிக்க சிறைகளில் இருப்பதாக சிறைச்சாலை ஆய்வுகளுக்கான சர்வதேச மையத்தின் தரவுகளை மேற்கோள்காட்டி போபஸ் இணையதளம் செய்தி வெளியிட்டுள்ளது.

அமெரிக்க சிறைச்சாலைகளில் மொத்தம் 201,200 பெண் கைதிகள் உள்ளனர். இது அந் நாட்டு மொத்த கைதிகளில் 8.8 வீதமாகும். இதற்கு அடுத்து சீனாவில் 84,600 பெண் கைதிகள் உள்ளனர். இது மொத்த கைதிகளில் 5.1 வீத மாகும். ரஷ்யா மூன்றாவது இடத்தில் இருப்பதோடு அங்கு 59,000 பெண்கள் சிறைகளில் உள்ளனர். இது மொத்த கைதிகளின் சனத்தொகையில் 7.8 வீதமாகும்.

சர்வதேச அளவில் 625,000 பெண்கள் மற்றும் சிறுவர்கள் சிறைகளில் அடைக்கப்பட்டுள்ளனர். அமெரிக்காவில் மாத்திரம் 7 மில்லியன் பேர் கைதி களாகவோ, தடுப்புக்காவலிலோ அல்ல நன்ன டத்தை காலத்திலோ அல்லது பிணையிலோ உள்ளனர். இதன்படி அமெரிக்காவில் இருக்கும் வயதுவந்த 35 பேரில் ஒருவர் கைதிகளாக உள்ளனர்.

அமெரிக்காவின் அமேசன் நிறுவன ஆடைகளின் விற்பனை

அமெரிக்காவின் பிரபல நிறுவனமான அமேசன் விற்பனைக்கு அறிமுகப்படுத்தியுள்ள பெண்களுக்கான லெக்கின்ஸ் (leggings ) ஆடைகளில் இந்து  உருவப் படங்கள் இடம்பெற்றுள்ளதால் பெரும் சர்ச்சை தோன்றியுள்ளது.குறித்த நிறுவனத்தின் லெகின்ஸ் ஆடைகளில் இந்து  விநாயகர், சிவன், இராமர், கிருஷ்ணர், சரஸ்வதி ஆகியோரின் உருவங்கள் பொறிக்கப்பட்டுள்ளன.இது உலக அளவில் வாழும் வரும் இந்திய மக்களிடம் கடும் அதிருப்தியை ஏற்பட்டுள்ளது.அமெரிக்காவில் மட்டுமல்லாமல் உலகளவில் வாழும் இந்துக்கள் இந்த ஆடைகளுக்கு கடும் கண்டனம் தெரிவித்து வருகின்றனர்.இந்நிலையில் அமேசன் நிறுவனம் இந்த இந்துக்கள் சர்ச்சைக்குரிய ஆடைகளின் விற்பனையை நிறுத்தியுள்ளது 

தீபாவளி பண்டிகை மது விற்பனை ஒரே நாளில் மட்டும் ரூ.120 கோடி

தீபாவளி பண்டிகை என்றால் புத்தாடை, நகை, பட்டாசு மற்றும் இனிப்புகள் வாங்குவது தான் பிரதானமாக இருக்கும். இப்போது மது விற்பனை இவற்றையெல்லாம் மிஞ்சிவிட்டது. தமிழகத்தில் 6,800 அரசு மதுபானக் கடைகளான டாஸ்மாக் மதுக்கடை உள்ளது. இந்த கடைகளில் தீபாவளி பண்டிகையான நேற்று ஒரே நாளில் மட்டும் ரூ.120 கோடிக்கு விற்பனையாகி இருப்பதாக அதிகாரி கூறியுள்ளார்.அதே நேரத்தில் சென்னையிலும் சுமார் ரூ.21 கோடிக்கு விற்பனையாகி உள்ளது. இந்த மது விற்பனை கடந்த ஆண்டுகளைவிட இந்த ஆண்டு அதிகரித்து இருப்பதாக கூறியுள்ளார்.

உங்கள் மத குப்பைகளையும் நாமே சுத்தம் செய்கின்றோம்

சுற்றுச்சூழல் பாதுகாப்பின் மூலம், மனித இனத்திற்கு இயற்கையாகவே உதவி வந்த பறவையினங்களில் சில அழிந்து விட்டதோ என்ற அச்சமும், மேலும் சில அழிந்து வருகிறதோ என்ற கவலையும் இயற்கை ஆர்வலர்களிடையே எழுந்துள்ளது.

கடந்த 15 ஆண்டுகளில் மக்கள் தொகை பெருக்கம் அதிகரித்துள்ளது. அவர்களின் அவசர வாழ்க்கை முறைகளால், மனித இனத்தின், “ஆயுள்’ குறையும் வகையில் சுற்றுச்சூழல் பாதிப்பும் கவலை அளிக்கும் வகையில் மலிந்து விட்டது.மழையை அதிகரித்து, “மாசு’ கட்டுப்படுத்தும் இயற்கையின், “கொடையான’ மரங்கள் வெட்டி அழிக்கப்பட்டு, விண்ணை முட்டும் “கான்கிரீட் காடுகள்’ உருவாக்கப்படுகின்றன.இவற்றின் தேவைக்காக மின்சாரம், தண்ணீர் ஆகியவை அதிகபட்ச அளவில் செலவழிக்கப்படுகிறது. இது தவிர, மனிதர்களின் ஆடம்பரத்திற்காக பயன்படுத்தப்படும் பல்வேறு பொருட்களின் கழிவுகளால் ஏற்படும் சுகாதாரச் சீர்கேடு, மீண்டும் மனித வாழ்வை சேதப்படுத்துகிறது.இன்று சுகாதார பாதுகாப்பிற்காக நாட்டின் அனைத்து பகுதிகளிலும் கழிவுநீர் மற்றும் மழைநீர் கால்வாய்கள் கட்டமைப்புகள் அமைக்கப்பட்டுள்ளன. குளங்கள் சீரமைப்பு, குப்பை கழிவுகள் அகற்றம் என, பல்வேறு சுகாதாரப் பணிகள் சட்டரீதியாக செயல்படுத்தப்படுகின்றன.ஆனால், அவற்றை எல்லாம் மீறி உருவாகும் டெங்கு, சிக்-குன்-குனியா, பன்றிக்காய்ச்சல் போன்ற பல புதுப்புது தொற்று நோய்களால் மனித இனம் பாதிக்கப்படுகிறது.

வல்லூறுகள்: சுற்றுச்சூழலின் பாதுகாவலனாக நமக்கு கிடைத்த, பறவையினங்கள் அழிக்கப்பட்டும், அழிந்தும் வருவதே அதற்கு காரணம் என்பதை நாம் உணருவதில்லை. தொற்று நோய் பரப்பும் இறைச்சிக் கழிவுகளை அகற்றும் துப்புரவுப் பணியாளர்களாக இருந்த, “ஸ்கேவஞ்சர் வல்சர்’ மற்றும் “பிணம் தின்னி கழுகுகள்’ என்று அழைக்கப்படும் வல்லூறுகள் முற்றிலுமாக அழிந்து விட்டதாக கூறப்படுகிறது.காடு, வயல் வெளி மற்றும் பரந்து விரிந்த குப்பை மேடு உள்ளிட்ட திறந்த வெளிகளில் இறந்தும், அழுகிய நிலையிலும் கிடக்கும் எலி முதல் மாடுகள் வரையிலான விலங்கினங்கள் மற்றும் நீர் நிலைகளில் சிதைந்துள்ள மனித உடல் முதலான அனைத்து வகை இறைச்சிக் கழிவுகளையும் அகற்றும், வல்லூறுகளை இன்று காண முடிவதில்லை.சுத்தமான நீர் நிலை உள்ளிட்ட பல பகுதிகளில் எதிர்பாராமல் கிடக்கும் இறைச்சிக் கழிவுகளை, மனிதன் நேரில் சென்று அகற்ற முடியாத நிலையில், வல்லூறுகள் அகற்றி மனிதனுக்கு உதவின.தற்போது இவைகளை கிராமப்பகுதிகளில் கூட காண்பதும் அரிதாகிவிட்டது. பறவைகள் சரணாலயங்களில் கூட வல்லூறுகளை காண முடியாத நிலை ஏற்பட்டுள்ளதாக இயற்கை ஆர்வலர்கள் கூறுகின்றனர்.

காகம்:வல்லூறுகளுக்கு அடுத்ததாக சுற்றுச்சூழல் துப்புரவுப் பணிகளை மேற்கொள்ளும் தொழிலாளிகளாக காகங்கள் உள்ளன. இவற்றுக்கு “வானத் தோட்டி’ என்ற செல்லப்பெயரும் உண்டு. கழிவுநீர் கால்வாய் உள்ளிட்ட சுகாதார கட்டமைப்புகள் இல்லாத கடந்த காலங்களில் வல்லூறு மற்றும் காகத்தின் துப்புரவுப் பணிகள் மூலம், மனித இனத்தின் சுகாதார நலன் மறைமுகமாக பாதுகாக்கப்பட்டது.ஆனால் இன்று மரங்கள், காடுகள் அழிக்கப்பட்டு பிரமாண்ட கட்டடங்கள், பாலங்கள், சாலைகள் ஆகியவை உருவாகி வரும் நிலையில், பறவையினங்களின் தங்கும் இடம், இனப்பெருக்க சூழலுக்கான அடிப்படை வசதிகள் பறிக்கப்பட்டன. அந்த வகையில் மனிதனுக்கு உதவிய பறவையினங்களும் மெதுவாக அழிந்து வருகின்றன.

கிராமங்களில் குப்பைகளை கிளறி, சிறு பூச்சி போன்ற உணவை உட்கொண்டு சுற்றுப்புறத்தை சுத்தப்படுத்தும் நாட்டு கோழி இனங்கள் கூட குறைந்து ஒரு சில பகுதிகளில் மட்டுமே காணப்படுகின்றன. இவை மருத்துவ ரீதியாக மனிதனுக்கு சத்தான உணவாக பயன்பட்டது குறிப்பிடத்தக்கது.ஆனால், இன்று இயந்திரங்கள் மூலம், “அடை’ காக்கப்பட்டு உற்பத்தி செய்யப்படும் பண்ணை கோழிகள் மனிதனின் அவசரத் தேவைக்கான, “ஆரோக்கியமற்ற’ உணவாக மாறி விட்டது.

பறவைகளை காக்க… : தினமும் காலையில், ஆன்மிக நம்பிக்கையில் காக்கைகளுக்கு, “சோறு’ வைத்த பின்பே, உணவு உண்ணும் பழக்கத்தை நம்மவர்கள் கொண்டுள்ளனர். ஆனால் இன்று அழிந்து வரும் காக்கை இனத்தை காக்க, யாரும் அக்கறை கொள்வதில்லை. காக்கைகளை செல்லப் பறவையாக வளர்க்க முடியாது.ஆனால், மரங்களை வெட்டாமல் இருப்பதன் மூலம் அவற்றுக்கான தங்குமிடம் போன்ற உதவியை நம்மால் செய்ய முடியும். மனிதனுக்கு உதவும் அற்புத பறவையினங்கள், இன்னும் பத்தாண்டுகளுக்கு பின் இல்லாமல் போய்விடும் நிலை ஏற்பட்டுள்ளதாக பறவை இன ஆராய்ச்சியாளர்கள் அச்சம் தெரிவித்துள்ளனர்.எனவே, “இயற்கையை காக்க இயன்றதைச் செய்வோம்…!’ என்ற உறுதி ஏற்று பறவைகளுக்கு உதவும், “மனித நேயத்தை’ வளர்த்துக் கொள்வது, மனித இனத்தின் எதிர்கால சந்ததிக்கு நாம் செய்யும் உதவியாகும்.

தீபாவளி என்றால் என்ன? தமிழன் ஒவ்வொருவரும் நன்கு சிந்திக்க வேண்டும் (புராணம் கூறுவது)

1. ஒரு காலத்தில் ஒரு அசுரன் உலகத்தைப் பாயாகச் சுருட்டிக் கொண்டு போய் கடலுக்குள் ஒளிந்து கொண்டான்.2. தேவர்களின் முறையீட்டின்மீது மகாவிஷ்ணு பன்றி அவதாரம் (உரு) எடுத்து கடலுக்குள் புகுந்து அவனைக் கொன்று உலகத்தை மீட்டு வந்து விரித்தார்.
3. விரித்த உலகம் (பூமி) அப்பன்றியுடன் கலவி செய்ய ஆசைப்பட்டது.
4. ஆசைக்கு இணங்கி பன்றி (விஷ்ணு) பூமியுடன் கலவி செய்தது.
5. அதன் பயனாய் பூமி கர்ப்பமுற்று நரகாசூரன் என்ற பிள்ளையைப் பெற்றது.
6. அந்தப் பிள்ளை தேவர்களை வருத்தினான்.
7. தேவர்களுக்காக விஷ்ணு நரகாசூரடனுடன் போர் துவங்கினார்.
8. விஷ்ணுவால் அவனை வெல்ல முடியவில்லை. விஷ்ணுவின் மனைவி நரகாசூரனுடன் போர் தொடுத்து அவனைக் கொன்றாள்.
9. இதனால் தேவர்கள் மகிழ்ச்சி அடைந்தார்கள்.
10. இந்த மகிழ்ச்சியை (நரகாசுரன் இறந்ததற்காக) நரகாசுரனின் இனத்தாரான திராவிட மக்கள் கொண்டாட வேண்டும்.
1. ஒரு காலத்தில் ஒரு அசுரன் உலகத்தைப் பாயாகச் சுருட்டிக் கொண்டு போய் கடலுக்குள் ஒளிந்து கொண்டான்.
இதுதானே தீபாவளிப் பண்டிகையின் தத்துவம்! இந்த 10 விடயங்கள்தான் தமிழரை தீபாவளி கொண்டாடும்படி செய்கிறதே அல்லாமல், வேறு என்ன என்று யாருக்குத் தெரியும்? யாராவது சொன்னார்களா? இதை ஆராய்வோம். இக்கதை எழுதிய ஆரியர்களுக்குப் பூமிநூல்கூடத் தெரியவில்லை என்று தானே கருத வேண்டியிருக்கிறது?
பூமி தட்டையா? உருண்டையா? தட்டையாகவே இருந்தபோதிலும் ஒருவனால் அதைப் பாயாகச் சுருட்ட முடியுமா? எங்கு நின்றுகொண்டு சுருட்டுவது? சுருட்டினால் தூக்கிக் கட்கத்திலோ தலை மீதோ எடுத்து போக முடியுமா? எங்கிருந்து தூக்குவது? கடலில் ஒளிந்து கொள்வதாயின், கடல் அப்போது எதன்மீது இருந்திருக்கும்? விஷ்ணு மலம் தின்னும் பன்றி உருவம் எடுக்க வேண்டிய அவசியம் என்ன? அரக்கனைக் கொன்று பூமியை விரித்ததால் பூமிக்கு பன்றிமீது காதல் ஏற்படுவானேன்?
பூமி மனித உருவமா? மிருக உருவமா? மனித உருவுக்கும் மிருக உருவுக்கும் கலவியில் மனிதப் பிள்ளை உண்டாகுமா? பிறகு சண்டை ஏன்? கொல்லுவது ஏன்? இதற்காக நாம் ஏன் மகிழ்ச்சி அடைய வேண்டும்?
இவைகளைக் கொஞ்சமாவது கொண்டாடும் தமிழ்ப் புலவர்கள், அறிஞர்கள் சிந்திக்க வேண்டாமா? நரகாசூரன் ஊர் மாகிஷ்மகி என்ற நகரம். இது நர்மதை ஆற்றின் கரையில் இருக்கிறது. மற்றொரு ஊர் பிரகத் ஜோதி ஷா என்று சொல்லப்படுகிறது. இது வங்காளத்தில் விசாம் மாகாணத்துக்கு அருகில் இருக்கிறது. இதை திராவிட அரசர்களே ஆண்டு வந்திருக்கிறார்கள். வங்காளத்தில் தேவர்களும் அசுரர்களும் யாராக இருந்திருக்க முடியும்?
இவைகள் ஒன்றையும் யோசிக்காமல் பார்ப்பனன் எழுதி வைத்தான் என்பதற்காகவும், சொல்கிறான் என்பதற்காகவும், நடுஜாமத்தில் எழுந்து கொண்டு குளிப்பதும், புதுத்துணி உடுத்துவதும், பட்டாசு சுடுவதும், அந்தப் பார்ப்பனர்கள் வந்து பார்த்து, “கங்காஸ்நானம் ஆயிற்றா?’’ என்று கேட்பதும், நாம் ‘ஆமாம்’ என்று சொல்லிக் கும்பிட்டுக் காசு கொடுப்பதும், அவன் காசை வாங்கி இடுப்பில் சொருகிக் கொண்டு போவதும் என்றால், இதை என்னவென்று சொல்வது?
மாணவர்களே! உங்கள் ஆசிரியர்களுக்கு மானம், புத்தி இல்லாவிட்டாலும் நீங்களாவது சிந்தியுங்கள். எதற்காக இவ்வளவு சொல்லுகிறேன் என்றால் இக்கதை எழுதின காலத்தில் (ஆரியர்) பார்ப்பனர்கள் எவ்வளவு காட்டு மிராண்டிகளாக இருந்திருக்க வேண்டும்? அந்தக் காலத்தில் நாம் மோசம் போனது, ஈனநிலை அடைந்தது ஏன்? என்பதை தமிழன் ஒவ்வொருவரும் நன்கு சிந்திக்க வேண்டும் என்பதற்கு ஆகவேயாகும்.....தீபாவளிப் பண்டிகையைக் கொண்டாடுவது தமிழனுக்கு மானக்கேடும், முட்டாள்தனமுமான காரியம் ஆரியரின் இறக்குமதியே தீபாவளி! வெளிநாட்டிலிருந்து பிழைக்கும் வழி தேடிக் கொண்டு நம் நாட்டிற்குள் புகுந்த ஆரியர் அக்காலத்தில் அவர்கள் இருந்த காட்டுமிராண்டித் தன்மைக்கு ஏற்ற மடமையினால் கொண்ட கருத்துகளை மதுக்குடி வெறியில் உளறி வைத்த தன்மைக்கு ஏற்ப தொகுத்துக் களியாட்டம் ஆடிய ஆட்டங்களை தமிழ் மக்கள் என்ன சூழ்நிலையாலோ ஏற்று, அவற்றிற்கு அடிமையாகி, பின்பற்றி தாங்களும் அப்படியே களியாட்டம் ஆடி வருகிறார்கள்.
அதன் பயனாய், அம்மடமையும் அல்லது வெறி உளறலுமே இன்று தமிழ் மக்களுக்கு கடவுளர்களாக, மதமாக, நீதி நெறிகளாக, பண்டிகை – விரதம், நோன்பு – உற்சவங்களாக நல்லநாள் தீயநாளாக, அப்பாத்திரங்களே நல்லவர்களாக, தீயவர்களாக ஆக்கப்பட்டு இருந்து வருகின்றார்கள்.நம் பள்ளிகளும் கல்லூரிகளும் பல்கலைக் கழகங்களும் நம் மக்களுக்கு இந்த, இப்படிப்பட்ட மடமையை உணரும் அளவுக்குக்கூட அறிவைக் கொடுக்க வில்லையென்றால் இக்கல்விக் கூடங்கள் மடமையையும் மானமற்ற தன்மையையும் பயிர் செய்யும் வளமுள்ள விளைநிலம் என்பதைத் தவிர வேறு என்னவென்று சொல்ல முடியும்? இதில் வதியும் – பயிலும் மாணவர்களுக்கு எந்தவிதத்தில் தான் மானமும் அறிவும் விளைய முடியும்?

லவனா உணவகம் மற்றும் மண்டபம்

லவனா உணவகம் மற்றும் மண்டபம் . உணவுவகைகளை உங்கள் என்னம்போல் ருசித்து மகிழ்ந்திட   .லவனா உணவகம்; உங்களை வரவேற்க்கிறது .மேலும் அனைத்துவிதமான கொண்ட்டங்களுக்கும் உணவு வகைகள் உங்கள் என்னம்போல் ருசித்து மகிழ்ந்திட  குறித்த இடத்திற்கு தரப்படும் .வேறு இடங்களிள் எங்கள் திருமண மண்டபங்கள் புதுமையாகவும் மிகுந்த கலை நயத்துடனும் உங்கள் கனவுகளையும் ஆசைகளையும், நிறைவேற்றும் விதத்தில் நாங்கள் ஒழுங்கு செய்து தருவோம். சிறிய பெரிய பொது  நிகழ்வுகளுக்கு விசேட கழிவு உண்டு .போக்குவரத்து வசதிகள் மற்றும் பொருட்கள் ஏத்தியும் இறக்கியும் வசதிகள் செய்து தரப்படும் .தொடர்புகளுக்கு 0148678551  முகவரி 11ave henri barbusse 93150 le bianc mesnil  RER- B றான்சீ .............உங்களுக்காக நாங்கள் 

சிங்களர், தமிழர் வாக்குவாதத்தை பவுத்தர், இந்து மோதலாக மாற்றினார்.அறிவுஜீவிகளும் தாக்கப்படுகின்றனர்.

இலங்கை

இலங்கையிலும் அரசியல் மோதலானது மத அடிப்படையில் அல்லாமல் மொழி அடிப்படையில்தான் தொடங்கியது. தெற்கில் வாழ்ந்த சிங்களர்கள், வடக்கில் வாழ்ந்த தமிழர்களின் பொருளாதார வளத்தைக் கண்டு அஞ்சினார்கள். எனவே, சிங்களம் தெரிந்தால்தான் கல்லூரியில் படிக்க முடியும்; அரசு வேலையில் சேர முடியும் என்று கட்டாயப் படுத்தினார்கள். இதுவே, தமிழர், சிங்களர் மோதலுக்கான மூல காரணம்.

இந்த மோதல் உச்சத்தில் இருந்தபோது 1972-ல் இலங்கை அரசின் தேசிய மதமாக பவுத்தம் அறிவிக்கப் பட்டது. தமிழர்களில் இந்துக்கள், முஸ்லிம்கள், கிறிஸ் தவர்கள் இருந்தனர், பவுத்தர்கள் யாருமில்லை. மதப் பேரினவாதம் மொழிப் பேரினவாதமாகியது. இலங்கை ராணுவத்துக்கு சிங்கள பவுத்த சன்யாசிகள் ஆதரவாளர்களாக மாறினார்கள். தமிழர்களைக் கடுமை யாக ஒடுக்குமாறு தூண்டினர். 2009 போருக்குப் பிறகு எதேச்சாதிகார அதிபர் மகிந்த ராஜபக்சவுக்கு ஆதரவாளர் களாகினர், சிங்கள பவுத்தத் துறவிகள். இந்த ஆண்டின் தொடக்கத்தில் இலங்கையின் கிழக்குப் பகுதியில் முஸ்லிம்களைக் கடுமையாகத் தாக்கினார்கள் பவுத்தர்கள்.

தமிழ் ஈழ விடுதலைப் புலிகள் சகிப்புத்தன்மை மிக்க வர்கள் அல்ல. அவர்களும் யாழ்ப்பாணம், மன்னார், மட்டக்களப்பு ஆகிய ஊர்களில் முஸ்லிம்களையும் அவர்களுடைய வீடுகளையும் மசூதிகளையும் தாக்கினர். தமிழ் கிறிஸ்தவர்களும் அலைக்கழிக்கப்பட்டனர். சிங்களர், தமிழர் வாக்குவாதத்தை பவுத்தர், இந்து மோதலாக விடுதலைப் புலிகள் மாற்றினார்கள்.

பூடான்

சார்க் நாடுகளிலேயே பூடான்தான் அமைதியான, இயற்கை அழகு நிறைந்த நாடு. ஆனால், பவுத்த அடை யாளத்தைத் தக்கவைத்துக்கொள்வதற்காக அந்த நாடும் 1990-களில் ஏராளமான இந்துக் குடும்பங்களைத் தங்கள் நாட்டிலிருந்து நேபாளத்துக்கு விரட்டியது பலருக்கும் தெரியாது.

நேபாளம்

19-வது, 20-வது நூற்றாண்டுகள் முழுக்க நேபாளம் இந்து நாடாகவே திகழ்ந்தது. அந்நாட்டு மன்னர், பூவுலகில் விஷ்ணுவின் பிரதிநிதியாகவே கருதப்பட்டார். 2008-ல் மன்னராட்சி முறை கைவிடப்பட்டு மதச்சார்பற்ற குடியரசு நாடாகியது நேபாளம். தெற்காசிய நாடுகளிலேயே மத மோதல்கள் மிகக் குறைவாக நடந்தது நேபாளத்தில்தான். சில சந்தர்ப்பங்களில் முஸ்லிம்கள் தாக்கப்பட்டுள்ளனர். ஆனால், அங்கு நிலஉடைமையாளர்களுக்கும் நிலமற்றவர்களுக்கும் இடையே, மலைப் பிரதேசங்களைச் சேர்ந்தவர்களுக்கும் சமவெளி மக்களுக்கும் இடையே, பிராமணர்களுக்கும் பிராமணர் அல்லாதாருக்கும் இடையேதான் மோதல்கள் நடைபெறும்.

தெற்காசியாவில் இந்தியாவும் இலங்கையும் தேர்ந்தெடுக்கப்பட்ட அரசுகளைக் கொண்ட ஜனநாயக நாடுகளாக வெகுகாலம் திகழ்ந்தன. இப்போது பாகிஸ்தான், வங்கதேசம், நேபாளமும் அந்த வரிசையில் சேர்ந்திருக்கின்றன. பூடானில்கூட தேர்தல் நடந்திருக்கிறது. முதல்முறையாக சார்க் அமைப்பின் எல்லா நாடுகளிலும் தேர்ந்தெடுக்கப்பட்ட அரசுகள்தான் பதவியில் இருக்கின்றன.

தேர்ந்தெடுக்கப்பட்ட அரசுகள் இருப்பதாலேயே மக்களிடையே சமத்துவம் ஏற்பட்டுவிடவில்லை. வறுமை யும் ஏற்றத்தாழ்வும் பெரிதாக இருக்கிறது. மொழி, மதம் ஆகிய காரணங்களாலும் மக்களிடையே வேறுபாடு காட்டப்படுகிறது. பாகிஸ்தானில் ஒரு இந்துவாகவோ கிறிஸ்தவராகவோ ஷியாவாகவோ இருப்பதும், இலங்கையில் இந்துவாகவோ முஸ்லிமாகவோ இருப் பதும், வங்கதேசத்தில் இந்துவாகவோ பவுத்தராகவோ இருப்பதும், இந்தியா, நேபாளத்தில் முஸ்லிமாக இருப்பதும் சிரமம்தான்.

இந்தியா, பாகிஸ்தான், இலங்கை போன்ற நாடுகள் தங்கள் சிறுபான்மையினரை எப்படி நடத்துகின்றன?

‘சார்க்’ (தெற்காசிய பிராந்திய ஒத்துழைப்பு மாநாடு) அமைப்பின் உறுப்பு நாடுகளில் பரப்பளவு, மக்கள்தொகை, மொத்த தேசிய உற்பத்தி மதிப்பு ஆகியவற்றில் இந்தியாதான் மிகப் பெரிய நாடு. ஏனைய நாடுகளைவிட சிறப்பானதொரு அம்சமும் இந்தியாவிடம் இருக்கிறது; குறிப்பிட்ட எந்த ஒரு மதத்துடனும் இந்தியா தன்னை அடையாளப்படுத்திக்கொள்ளவில்லை என்பதுதான் அது.

பூடான், இலங்கை ஆகிய இரண்டுக்குமே பவுத்தம்தான் அதிகாரபூர்வ மதம். பாகிஸ்தான், இஸ்லாமியக் குடியரசு. மாலத்தீவில் சன்னி முஸ்லிம் பிரிவுதான் அதிகாரபூர்வ மதம். 2008 வரையில் நேபாளம் இந்து நாடாக இருந்தது. 1971-ல் உதயமான வங்கதேசம் மதச்சார்பற்ற குடியரசு நாடாக இருந்தது. 1980-களில் ஜெனரல் எர்ஷாத் அதிபராக இருந்தபோது, அதன் அரசியல் சட்டம் திருத்தப்பட்டு இஸ்லாத்துக்கு உரிமைமிக்க தனியிடம் கிடைத்தது. இந்த நாடுகளைப் போல அல்லாமல் இதுவரை இந்தியா மதச்சார்பற்ற நாடாகவே திகழ்கிறது.

ஆனால், நம்முடைய அரசியல் சட்டம் மதச்சார்பற்ற தன்மையைப் பறைசாற்றினாலும் மத அடிப்படையிலான பேரினவாதம் அசிங்கமான தனது முகத்தை அடிக்கடி காட்டிக்கொண்டிருக்கிறது. 1950-களில் சற்று அமைதி நிலவியது. பிறகு, ஜபல்பூரில் நடந்த இந்து, முஸ்லிம் கலவரத்தால் அது குலைந்தது. 1960-களிலும் 1970-களிலும் உத்தரப் பிரதேசம், பிஹார், குஜராத், மகாராஷ்டிரம் ஆகிய மாநிலங்களில் மதங்களுக்கு இடையிலான வன்முறை மோதல்கள் தொடர்ந்தன.

1984-ல் டெல்லியிலும் சில வட இந்திய நகரங்களிலும் இந்திரா காந்தி படுகொலையையொட்டி சீக்கியர்கள் வெட்டிச்சாய்க்கப்பட்டனர். 1990-களில் காஷ்மீர் பள்ளத்தாக்கில் வாழ்ந்த இந்துக்களில் பெரும்பாலான

வர்களை மதஅடிப்படைவாதிகள் தாக்கி வெளியேற்றினர். ராமஜன்ம பூமி இயக்கத்தால் 1980-களிலும் 1990-களிலும் பலர் பலிவாங்கப்பட்டனர். இவற்றின் தொடர்ச்சியாக இந்தியாவின் வடக்கிலும் மேற்கிலும் கலவரங்கள் ஏற்பட்டன. அவற்றில் அதிகம் பாதிக்கப்பட்டவர்கள் அப்பாவி முஸ்லிம்களே. 2002-ல் குஜராத்தில் இந்து அடிப் படைவாதிகள் ஆயிரத்துக்கும் மேற்பட்ட முஸ்லிம்களைக் கொன்றனர், ஆயிரக் கணக்கானவர்கள் வீடிழந்தனர்.

ஆர்எஸ்எஸ் செல்வாக்கு

இந்தியாவின் பல பகுதிகளில் முஸ்லிம்கள் இப்போதும் பாதுகாப்பற்றவர்களாகவும் தாக்குதலுக்கு ஆளாகிறவர்களாகவும் இருக்கின்றனர். இந்த நிலைமை வெகுவிரைவில் மாறிவிடாது.

பாரதிய ஜனதா ஆட்சியில் இருக்கும்போதெல்லாம் பலமடங்கு செல்வாக்கைப் பெருக்கிக்கொள்ளும் ஆர்எஸ்எஸ் இயக்கம், இந்து மதவாத அரசை ஏற்படுத்திவிட வேண்டும் என்று துடிக்கிறது.

அந்த இயக்கத்தின் தலைவர், பாஜகவைச் சேர்ந்த சில அமைச்சர்கள், நாடாளுமன்ற உறுப்பினர்கள் ஆகியோரின் சமீபத்திய பேச்சுகளில், இந்து பேரினவாத ஆதிக்க உணர்வு வெளிப்படுகிறது. வலதுசாரி இந்துத்துவக் கட்சியின் ஆதிக்கம் காரணமாக இந்திய அரசியல், சமூக வாழ்க்கை ஆகியவற்றின் இயற்கைத் தன்மையே மாறி, மதச்சகிப்புத்தன்மை, பன்மைத் தன்மை ஆகியவற்றிலிருந்து வெகுதூரம் விலகிச் சென்று கொண்டிருக்கிறது.

பாகிஸ்தான்

இந்தியா தனது மதச் சிறுபான்மையோரை நடத்துவது இருவிதமாகவும் இருக்கிறது. ஆனால், பாகிஸ்தானோடு ஒப்பிடும்போது இங்குள்ள நிலை பரவாயில்லை. இந்தியாவில் அரசுக்கும் மத நம்பிக்கைகளுக்கும் இடையே இடைவெளி இருக்கிறது. பாகிஸ்தானில் அரசே இஸ்லாமியத் தன்மையோடு திகழ்கிறது. அங்குள்ள சிறுபான்மையினத்தவருக்குத் தங்களுடைய இடம் எது என்று தெரியும்; முன்பு, அவர்கள் திட்டமிட்டு வேட்டையாடப்பட்டதில்லை. ஆனால், பாகிஸ்தானில் (1977-88) அதிபர் ஜியா உல் ஹக் பதவிக் காலத்தில் இஸ்லாமியமயமாதல் விரைவுபெற்றது. ஷரியத் சட்டம் தேசியச் சட்டமானது. சிறுபான்மைச் சமூக மக்களின் வாயை அடைக்க அவர்கள் மீது மதநிந்தனை வழக்குகள் போடப்பட்டன. அகமதியர்கள் இஸ்லாமியர் அல்லாதோராக அறிவிக்கப்பட்டனர். வஹாபிய பாணியில் இஸ்லாத்தைப் போதிக்கும் ஏராளமான மதரசாக்கள் வளைகுடா நாடுகளிலிருந்து கிடைத்த நன்கொடைகள் மூலம் தொடங்கப்பட்டன. சன்னி முஸ்லிம்கள் முதலில் இந்துக்கள், கிறிஸ்தவர்களைக் குறிவைத்தனர். எண்ணிக் கையில் குறைவாக இருந்ததால், அவர்கள் எளிதாக அடக்கப்பட்டனர். பிறகு, அவர்களுடைய கவனம் ஷியாக்கள் மீது சென்றது. ஒருகாலத்தில் ஷியாக்களும் அரசியலிலும் தொழிலிலும் ஆதிக்கம் செலுத்தினர். முகம்மது அலி ஜின்னாவே ஷியாதான். சமீப காலமாக ஷியாக்களின் வழிபாட்டிடங்களும் குடியிருப்புகளும் மூர்க்கத்தனமாகத் தாக்கப்படுகின்றன. இந்துக்களையும் கிறிஸ்தவர்களையும் இரண்டாந்தரக் குடிமக்களாக நடத்தக் கூடாது என்று நம்பும் அரசியல் தலைவர்கள், அறிவுஜீவிகளும் தாக்கப்படுகின்றனர்.

கிழக்கு பாகிஸ்தான்

நாடு சுதந்திரம் பெற்றபோது மேற்கு பாகிஸ்தானைவிட கிழக்கு பாகிஸ்தானில் இந்துக்கள் அதிக எண்ணிக்கையில் இருந்தனர். 1950-களில் இந்துக்கள் தொடர்ச்சியாக இந்தியாவில் குடியேறினார்கள். காஷ்மீர் தலைநகர் ஸ்ரீநகரில் ஹஸ்ரத் பால் மசூதியில், நபிகளின் ‘நினைவுப் பொருள்’ காணாமல் போனதாகச் செய்திகள் வந்தவுடன், கிழக்கு பாகிஸ்தானில் இந்துக்கள் தாக்கப்பட்டனர். மீண்டும் பெரும் எண்ணிக்கையில் இந்துக்கள் அங்கிருந்து இந்தியாவுக்கு ஓடிவந்தனர். அப்படியிருந்தும் வங்கதேச விடுதலைப் போரின்போது 1971-ல் ஏராளமான இந்துக்கள் வங்கதேசத்திலேயே வாழ்ந்தனர். வங்கதேச விடுதலை மத அடிப்படையில் அல்லாமல் மொழி அடிப் படையிலானது என்பதால், இந்துக்களும் ஆயுதம் ஏந்திப் போராடினர்.

வங்கதேசம் பிறந்தபோது மதச்சார்பற்ற நாடாகத்தான் இருந்தது. ரவீந்திரநாத் தாகூரின் பாடலையே தேசிய கீதமாக ஏற்றது. சுதந்திரம் அடைந்த பிறகு 40 ஆண்டுகளாக அங்கு இஸ்லாமியமயமாதல் மெதுவாக நடந்தேறியது. சமீபத்திய காலத்தில் அது வன்செயல்களுடன், பாகிஸ் தானைப் போலவே அரங்கேறுகிறது.

- ராமச்சந்திர குஹா, ‘இந்தியா ஆஃப்டர் காந்தி’ உள்ளிட்ட வரலாற்று நூல்களின் ஆசிரியர்;

தமிழில்: சாரி